25 Qyrkúıek, 19:15 845 0 Jańalyqtar Asyl TUMAR

Ekibastuz qalasyna jańa ákim taǵaıyndaldy

Pavlodar oblysy Ekibastuz qalasynyń ákimi bolyp Ardaq Qańtarbaev taǵaıyndaldy.

Pavlodar oblysy ákiminiń baspasóz qyzmeti málimdegendeı, Ekibastuzdyń jańa ákimin qala aktıvine óńir basshysy Ábilqaıyr Sqaqov tanystyrdy.

Á.Sqaqov Ekibastuz qalasynyń burynǵy ákimi Erjan Imanzaıypovqa atqarǵan jumysy úshin alǵys aıtyp, jańa basshynyń aldyna birqatar tapsyrma júktedi.

«Ekibastuz – Pavlodar oblysy úshin de, búkil el úshin de mańyzdy qalalardyń biri. Jurtshylyqpen birge Ekibastuzdy damytýdyń orta merzimdi baǵdarlamasyn ázirleý qajet. Munda ónerkásipti ǵana emes, aýyl sharýashylyǵyn da damytý úshin úlken áleýet bar. Eńbek resýrstary boıynsha máseleler bar. Sondyqtan kadrlardy daıarlaıtyn jáne qaıta daıarlaýdan ótkizetin óńiraralyq oqý ortalyǵynyń sapaly jumysyn uıymdastyrý qajet. Mańyzdy baǵyt – ınvestıııa tartý. Pavlodar men astanaǵa jaqyndyǵy, sondaı-aq damyǵan kólik ınfraqurylymy úlken artyqshylyq bolyp tabylady», – dep atap ótti Ábilqaıyr Sqaqov.

 

Sońǵy jańalyqtar