25 Qyrkúıek, 18:27 1359 0 Jańalyqtar Asyl TUMAR

«Qyzylorda-Almaty» baǵytyndaǵy ushaq Shymkentke shuǵyl qondy

«Qyzylorda - Almaty» baǵytyndaǵy Air Astana reısi Shymkentke shuǵyl qonýǵa májbúr boldy.

Oqys oqıǵaǵa baılanysty Air Astana kompanııasy túsinik berdi.

«2020 jylǵy 25 qyrkúıekte «Air Astana» AQ áýekompanııasynyń tirkeý nómiri R4HA E290 áýe kemesi (Embraer-190) «Qyzylorda - Almaty» baǵyty boıynsha KZR 986 reısimen ushyp bara jatqanda dıspetcherge tehnıkalyq sebeptermen Shymkent qalasynyń qosalqy áýeaılaǵyna májbúrli túrde qonǵanyn habarlady. Ushaq 17.51-de Shymkent qalasynyń áýejaıyna sátti qondy. Áýe kompanııasynyń aldyn ala málimetinshe, tútin datchıgi iske qosylǵan. Ushý qaýipsizdiginiń talaptaryna sáıkes áýe kemesiniń komandıri qosalqy áýe aılaǵyna qoný jóninde sheshim qabyldady», – dedi áýe kompanııasynan.

Air Astana ınjenerlik tehnıkalyq quramy ınspekııa jasaý úshin Shymkentke ushyp shyqty. Jolaýshylardy jetkizý QR zańnamasy boıynsha tez arada sheshiledi. Bul derek boıynsha tekserý júrgiziledi.

 

Sońǵy jańalyqtar