24 Qyrkúıek, 11:51 404 0 Aımaq Anar LEPESOVA

Qus tumaýy: Qostanaı oblysynda 3 aýdan karantınge jabyldy

Qostanaı oblysynda qus tumaýynyń alǵashqy jaǵdaılary tirkeldi. Veterınarlyq qyzmet aýyldardy tekserip júr. Onyń ishinde, Sarykól, Uzynkól jáne Meńdiqara aýdandary karantınge jabyldy, dep habarlaıdy "Kostanaıskıe novostı" basylymy.

Qus ólimi Sarykól aýdanynyń Maıak, Uzynkól aýdanynyń Sokol jáne Meńdiqara aýdanynyń Krasnaıa Presnıa aýyldarynda tirkelgen. Barlyǵy 384 ólgen. Barlyq ólekseler órteý arqyly joıyldy.

Osy aýyldardyń aýmaǵynda 21 kúnge karantın engizildi (qus sharýashylyǵy ónimderin áketýge tyıym salý). Sodan keıin qustardan taldaý úshin qan alady. Eger dıagnoz rastalsa, karantın uzartylady.

"Oblysqa joǵary patogendi qus tumaýyna qarsy 21 myń doza vakına kelip tústi. Vakınaııa bastaldy", - deıdi oblystyq veterınarııa basqarmasynyń basshysy Samat Qalıev.

Ol mundaı qaýipti ýaqytta ruqsat etilmegen saýda oryndarynda qus eti men jumyrtqa satyp almaýdy usyndy.

"Ólekseniń qansyzdyǵyna nazar aýdaryńyz. Qustardyń ıeleri malǵa muqııat bolý kerek, aýrý qus birden kórinedi: ol álsiz, tamaqqa qyzyǵýshylyq tanytpaıdy. Buny soıýǵa jáne satýǵa bolmaıdy", - deıdi veterınarııa basqarmasynyń basshysy.

Sonymen qatar, sanıtarlyq dárigerler qoldy jıi jýý, maska, dymqyl maılyqtardy qoldaný qajettiligi týraly aıtady. Aýrýdyń alǵashqy belgileri paıda bolǵan kezde shuǵyl túrde dárigermen keńesý qajet.

 

Sońǵy jańalyqtar