24 Qyrkúıek, 11:23 1225 0 Jańalyqtar Anar LEPESOVA

Para alýdan "kósh bastap" turǵan aımaqtar anyqtaldy

Elimizde para alý faktileri jıilep ketti: bul kórsetkish bir jylda 11%-ǵa artqan. Memlekettik qyzmet pen memlekettik basqarý múddelerine qarsy sybaılas jemqorlyq jáne basqa da qylmystyq quqyq buzýshylyqtardyń úshten ekisi paraqorlyqqa tıesili, dep habarlaıdy Finprom.kz.

2020 jyldyń qańtar-tamyz aılarynda elimizde memlekettik qyzmet pen memlekettik basqarý múddelerine qarsy 1,6 myń sybaılas jemqorlyq jáne ózge de qylmystyq quqyq buzýshylyq tirkeldi. Bul bir jyl burynǵy kórsetkishpen salystyrǵanda 12,6%-ǵa tómen. Olardyń úshten ekisin para alý oqıǵalary qurap tur.

Jyl bastalǵaly elde 993 para alý oqıǵasy tirkeldi – 2019 jyldyń osy kezeńimen salystyrǵanda 11,4%-ǵa kóp. Onyń ishinde 555-i – para alý, 404-i – para berý, 34 jaǵdaı – deldaldyq oqıǵasy.

Aımaqtar boıynsha para alý oqıǵalarymen Batys Qazaqstan oblysy «kóshbasshy» bolyp tur – 97 jaǵdaı, jyldyq ósim birden eki esege artty. Ekinshi jáne úshinshi oryndarda Almaty (87 jaǵdaı, 47,5%) jáne Shyǵys Qazaqstan (76 jaǵdaı, mınýs 3,8%) oblystary tur.

 

Sońǵy jańalyqtar