23 Qyrkúıek, 19:57 338 0 Qoǵam Anar LEPESOVA

Jármeńke: ShQO jáne Aqmola oblystary elordaǵa 700 tonnadan astam ónim ákeledi

Shyǵys Qazaqstan jáne Aqmola oblystarynyń fermerleri elordadaǵy jármeńkege 732 tonna ónim ákeledi, dep habarlady ákimdiktiń resmı saıty.

26 jáne 27 qyrkúıekte «Han-Shatyr» saýda oıyn-saýyq ortalyǵynyń janyndaǵy ýchaskede (Qonaev kóshesi men Turan dańǵylynyń qıylysy) Shyǵys Qazaqstan jáne Aqmola oblystary óndirýshileriniń qatysýymen jármeńke ótedi.

Jalpy quny 421 mıllıon teńgeden asatyn 732 tonna aýylsharýashylyq ónimin satý josparlanǵan. Osylaısha, fermerler 293 tonna kartop pen kókónis, 117,5 tonna et jáne et ónimderin, 50 tonna sút ónimderin, 45 tonna bal, 40 tonna un, 10 tonna ósimdik maıy, 9,3 tonna balyq, 8 tonna qymyz jáne ulttyq ónimder, 1,5 tonna jarma jáne 20 tonna basqa ónimderdi usynady.

Birqatar óńirdegi epıdemıologııalyq ahýaldy eskere otyryp, taýyq eti men jumyrtqa qaýipsizdik maqsatynda jármeńkede satylmaıdy. Jalpy, óńirler taýardyń 65 túrin naryqtaǵydan 10-15 proent tómen baǵamen ákeledi.

Esterińizge sala keteıik, jármeńkege kelýshiler qatań sanıtarlyq-epıdemıologııalyq talaptardy saqtaýy: maska taǵyp, araqashyqtyq saqtap, mindetti túrde antıseptık qoldanýy kerek.

Sońǵy jańalyqtar