23 Qyrkúıek, 12:09 450 0 Zań Anar LEPESOVA

Elimizde memlekettik qyzmetkerge syılyq berýge tyıym salatyn zań qabyldandy

Qazaqstan Parlamenti memlekettik qyzmetkerge quny qandaı da bolsyn syılyqtar syılaýǵa tyıym salatyn zańdy qabyldady. 

Májilis "Qazaqstannyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly" zań jobasyn bıyl 3 maýsymda maquldaǵan edi.

17 qyrkúıekte senat qujatqa birqatar ózgeris engizip, tómengi palataǵa keri qaıtardy. Májilistiń búgingi jalpy otyrysynda depýtattar senat engizgen ózgeristerdi maquldady, dep habarlaıdy Sputnik Qazaqstan.

"Senat engizgen ózgerister májilis maquldaǵan zań jobasynyń tujyrymdamasyn ózgertpeıdi jáne mazmunyn nasharlatpaıdy", – dedi májilismen Janat Jarasov.

Senatorlar Qylmystyq kodekstiń 412-1-babyna (Qylmys jasaýǵa arandatý) ózgerister engizdi. Oǵan sáıkes keıin áshkereleý jáne qylmystyq jaýaptylyqqa tartý nemese bopsalaý maqsatynda adamdy qylmys jasaýǵa kóndirgen jedel-izdestirý qyzmetin nemese sotqa deıingi tergep-tekserýdi júzege asyratyn laýazymdy adamnyń zańsyz áreketteri qylmys jasaýǵa arandatý bolyp sanalady.

Budan basqa, Ákimshilik quqyq buzýshylyq týraly kodekstiń 1-baby 2-1-bóligine sáıkes, kodekske ózgerister jáne (nemese) tolyqtyrýlar engizý Qazaqstan Respýblıkasynyń basqa da zańnamalyq aktilerine ózgerister men tolyqtyrýlar engizýdi kózdemeıtin zańmen júzege asyrylady. Osyǵan baılanysty atalǵan zań jobasynan kodekske osy túzetýlerdi alyp tastaý usynyldy.

 

Sońǵy jańalyqtar