23 Qyrkúıek, 11:43 330 0 Praımerız Anar LEPESOVA

Praımerız: Almatylyq áıel kandıdattar jumyspen qamtý saıasatyn jetildirýge nıetti

Almatyda praımerızge qatysýshy áıel azamattar úgit-nasıhat jumystarynda erlerden qalysar emes. 

Mysaly, praımerızde jumysshy tabynyń múddelerin bildiretin qatysýshylardyń biri óndiristik mindetterdi sheshýmen qatar, balalar uıymdaryna, qorlarǵa, sondaı-aq qıyn ómirlik jaǵdaıda qalǵan otbasylarǵa qaıyrymdylyq qoldaý kórsete otyryp, áleýmettik máselelerdi de belsendi nasıhattaıdy.

Aýdannyń bastaýysh partııa uıymdarynda ótken kezdesýlerde partııa múshelerimen birge mektep muǵalimderiniń mártebesi, mektepke deıingi bilim berý uıymdarynyń, avtobýs marshrýttaryn uıymdastyrý máselelerin talqylanýda. Elimizde bala týý kórsetkishi boıynsha Almaty kósh bastap tur. Bul jaǵdaıda, olardyń pikirinshe, Almatyda jańa mektepter men balabaqshalardyń qurylysy mektep oqýshylary men mektep jasyna deıingi balalar sanynyń ósýine sáıkes kelmeıdi.

Praımerızdiń basqa qatysýshysynyń kezdesýlerinde Túrksib aýdanynda jaıaý júrginshiler ótkeliniń qaýipsizdigi, trotýarlardy jaılastyrý, sondaı-aq ystyq sýmen qamtamasyz etý máselesi kóterildi.

Jalpy, Almatynyń áıel kandıdattary adam áleýetin damytý strategııasyn qurý jáne engizý arqyly memlekettik Jumyspen qamtý saıasatyn jetildirýdi talap etedi. Jumyspen qamtý baǵdarlamasyn engizý, eńbek qyzmeti barysynda kásibı baǵdar berý, nysandalǵan oqytý jáne nátıjeli jumysqa ornalastyrý, iri jumys berýshilerdi qoldaý, áleýmettik kásipkerlikti damytý - mine, almatylyqtardyń pikiri boıynsha dál áıel-saıasatkerlerdiń júzege asyrýǵa qabiletti máseleleriniń tizbesi.

Qalanyń jastar sektorynyń ókili bolyp tabylatyn praımerızge qatysýshy áleýetti saılaýshylar men jaqtaýshylar arasynda jastardyń odan ári elden ketýine jol bermeý maqsatynda olardyń ózin-ózi tanytýy úshin jaǵdaı jasaýdy belsendi túrde nasıhattaıdy.

«Bizdiń elimiz daryndy jastardyń shetelge ketý problemasymen kúresýge májbúr, bul eldiń sapaly adamı resýrsynyń nasharlaýyna ákeledi», - deıdi ol óziniń áleýmettik jelilerdegi resmı akkaýntynda.

Esterińizge salsaq, kandıdattardyń úgit-nasıhat jumystary Zoom arqyly bastaýysh partııa uıymdarynyń tóraǵalarymen onlaın-kezdesýler, ashyq alańdarda nemese jeldetiletin úı-jaılarda sanıtarlyq normalardy qatań saqtaı otyryp offlaın-kezdesýler arqyly júrgiziledi.

Sońǵy jańalyqtar