21 Qyrkúıek, 16:08 385 0 Praımerız Anar LEPESOVA

Aqmolalyq praımerız kandıdattary óńirdiń ózekti máselelerin kóterdi

Aqmola oblysynda praımerız kandıdattary arasynda  pikirsaıys qyza túsýde. Búgin Jarqaıyń aýdanynda ótken pikirsaıys alańynda bes kandıdat kezdesip ózderiniń saılaýaldy baǵdarlamasymen tanystyrdy.

Saıası dodaǵa qatysýshylar ásirese óz aımaqtaryndaǵy túrli túıtkildi máselelerdi kóterip, ońtaıly sheshý jol­daryn ortaǵa salýda. Kandıdattardyń biri jas kásipkerlerdi qoldaýdy, jastarǵa úı salý máselesin kóterse, kelesi kandıdattar sybaılas jemqorlyqpen kúres máselesin óziniń saılaýaldy baǵdarlamasynyń ózegi retinde kórsetken. Memleket basshysy Qasym-Jomar Toqaevtyń  halyq únine qulaq asatyn memleket bolýy kerektigin, azamattardyń barlyq syndarly ótinish-tilekterin jedel ári tıimdi qarastyrý qajettigin jetkizdi.

Jarqaıyń aýdany elimizdiń astyqty ólkeleriniń biri. Jalpy alǵanda 600 myń gektardan astam egistik alqaby bar ólke úshin aýylsharýashylyǵy damýynyń mańyzy zor ekeni belgili. Sondyqtan bolar, praımerızge qatysýshy kandıtattar aýylsharýashylyǵy máselesin nazardan qaldyrǵan emes. Debat barysynda egin, mal sharýashylyǵy  salasyndaǵy ózekti máseleri talqylandy.

Sondaı aq, patrıotızm men jastar máselesi de aıtyldy. Kandıdattar el ishin aralap, turǵyndardan jınaǵan usynys pikirlerdiń negizi de jastar máselesi bolyp otyrǵandyǵyn jetkizdi. Barlyq usynystar aýdandyq partııa fılıalynyń saılaýaldy baǵdarlamasy men aýdannyń damý baǵdarlamasyna engizilmek. Sebebi el ahýaly halyq qalaýlylarynyń udaıy nazarynda bolýy ábden durys. Óńirdiń tynys-tirshiligine etene qanyqqanda ǵana máselelerdiń mánisimen jete tanysýǵa bolady deıdi praımerız qatysýshylary.

 

Sońǵy jańalyqtar