21 Qyrkúıek, 15:24 769 0 Ekonomıka Dilda ÝÁLIBEK

Qazynaǵa 33 mlrd teńge qaıtaryldy

Qarjy monıtorıngi komıtetiniń tóraǵasy Janat Elımanov elimizde uıymdasqan ekonomıkalyq qylmys órship turǵanyn aıtty. 

«Sońǵy 8 aıda 44 uıymdasqan ekonomıkalyq jáne 1394 ekonomıkalyq quqyq buzýshylyqqa qatysty qylmystyq is qozǵaldy. Munyń teń jartysy aýyr jáne asa aýyr qylmys boldy. Qazynaǵa qaıtarylǵan qarjy mólsheri 20% ulǵaıyp, 33 mlrd teńgeni qurady», – dedi komıtet tóraǵasy.

Onyń sózinshe, qazir prokýratýra organdary men ulttyq qaýipsizdik komıteti «Stop – Obnal» jedel profılaktıkalyq is-sharasyn júzege asyryp jatyr.  Birlesken joba kóleńkeli ekonomıkamen kúreske baǵyttalǵan.

«Qylmystyń aldyn alýdyń mańyzy zor. Qarjyny zańsyz aınaldyrýdyń saldarynan bıýdjetke mıllıardtaǵan salyq tólenbeıdi. Kóp jaǵdaıda bir kúndik fırmalar arqyly zańsyz sheshilgen  qarjy bıýdjetke tıesili bolyp jatady. Osynda» tásil arqyly kapıtal shetelge zańsyz shyǵarylady», – dedi Janat Elımanov.

Tóraǵanyń aıtýynsha, jaýapkershiligi shekteýli seriktestikterdiń esepshoty arqyly ekinshi deńgeıli banktterden qarajatty zańsyz sheshken 60-tan astam uıymdasqan qylmystyq  top anyqtaldy. Olar 1200-den astam baqylaýsyz kompanııa qurǵan. Sol arqyly 2 trln teńgeden astam aqsha jymqyrǵan. «Osyǵan qatysty qylmystyq is qozǵalyp, 98 tulǵa kúdikti retinde tanyldy. Olardyń 28-i tutqynǵa, 29-y úıqamaqqa alyndy», – dedi komıtet tóraǵasy.

Sońǵy jańalyqtar