18 Qyrkúıek, 14:55 438 0 Jańalyqtar Asyl TUMAR

2021 jylǵy Prezıdenttik jastar kadrlyq rezervine irikteý qalaı júrgiziledi?

QR Memlekettik qyzmet isteri agenttiginiń tóraǵasy Anar Jaıylǵanova 2021 jylǵy Prezıdenttik jastar kadrlyq rezervine irikteý qalaı júrgiziletinin aıtyp berdi.

«Memleket basshysy júktegen taǵy bir mańyzdy mindettiń biri – 2021 jyly Prezıdenttik jastar kadrlyq rezervin ótkizý. Qazirgi ýaqytta biz onyń mehanızmi boıynsha jumys júrgizip jatyrmyz. Bul joly shaǵyn ǵana menedjerler men kásibı mamandardy iriktep alý josparlanyp otyr», – dedi Anar Jaıylǵanova OKQ-da ótken baspasóz máslıhatynda.

Agenttik basshysy alǵash ret Prezıdenttik jastar kadrlyq rezervine irikteý jumysy 2019 jyly ótkizilgenin eske saldy.

«Prezıdenttiń jastar kadr rezervine irikteýdiń nátıjesinde myqty degen 300 úmitker tańdap alyndy. Búginge deıin onyń 153-i jumysqa ornalasqan. Olardyń ishinde ony - saıası qyzmetke, «A» korpýsyna ekeýi, qalǵany jeke jáne kvazımemlekettik sektordaǵy jumysqa ornalasty. 2021 jylǵy irikteýdiń 2019 jylǵy irikteýden basty aıyrmashylyǵy – naqtylyqqa negizdeledi. Iaǵnı, irikteý memlekettik organdardyń shynaıy qajettiligine baılanysty ótkiziledi», – dedi ol.

Anar Jaıylǵanova odan bólek tapsyrmany sapaly oryndaý úshin irikteý jumysyna qajettiligi bar memlekettik organdardyń ózi tartylatynyn jetkizdi.

«Qazirgi ýaqytta memlekettik organdarǵa qajettiligi jóninde usynystardy jiberý boıynsha hattar joldandy. Úmitkerlerdi irikteý kelesi kezeńderden turady: birinshisi – qatysýshylardyń qujattaryn qabyldaý. Bul jumys avtomattandyrylǵan onlaın-formatta júrgiziledi. Sondaı-aq qashyqtan alynatyn testileý úmitkerlerdiń kúrdeli aqparattarmen jumys júrgizý qabiletin aıqyndap, olardyń analıtıkalyq jáne synı paıymdaýyna anyqtaýǵa múmkindik beredi. Úmitkerler bul jerde óz múmkindikteri men qabiletin dáleldeýi tıis. Kelesi kezeń – keıstik mindetterdi oryndaý. Bul kezeńde úmitkerler jazbasha jáne kommýnıkaııalyq daǵdylaryn, sondaı-aq naqty bir saladaǵy bilim deńgeıin, synı oılaı bilý deńgeıin kórsetedi. Olardyń jumysyn naqty saladaǵy sarapshylar baǵalaıdy», – dedi ol.

Sońǵy jańalyqtar