17 Qyrkúıek, 21:32 492 0 Jahan Anar LEPESOVA

Dúnıejúzilik bank álem ekonomıkasyn qalpyna keltirýge qansha ýaqyt keregin aıtty

Sýret ınternetten alyndy
Sýret ınternetten alyndy

Koronavırýs pandemııasy saldarynan týyndaǵan daǵdarys jahandyq ekonomıkany áli biraz tıtyqtyrýy múmkin. Dúnıejúzilik banktiń bas ekonomısi Karmen Reınharttyń pikirinshe, álem ekonomıkasyn qalpyna keltirý úshin 5 jyl ýaqyt qajet.  

 «Karantınge baılanysty qoıylǵan shekteýler alynǵannan keıin jedel qalpyna kelý proesi bastalady, biraq tolyq qalpyna keltirý úshin bes jylǵa jýyq ýaqyt qajet bolady», - dep keltirdi Reuters Karmen Reınharttyń sózin.

Ekonomıstiń  aıtýynsha, indettiń týdyrǵan daǵdarys keı elderde uzaqqa sozylyp, teńsizdik máselesi ýshyǵýy yqtımal. Sebebi daǵdarystan baı elderge qaraǵanda kedeı elder kóbirek zardap shegedi.

Sondaı-aq, maman daǵdarys saldarynan sońǵy jıyrma 20 jylda alǵash ret álemdegi kedeılik deńgeıiniń artatynyna alańdaýshylyq bildirdi.  

Eske sala keteıik, Qazaqstan Prezıdenti Qasym-Jomart Toqaev koronavırýs pandemııasy álemdik reessııanyń bastalýyna sebep bolǵanyn aıtqan edi. Memleket basshysynyń sózinshe, álemdegi eńbekke jaramdy halyqtyń jartysyna jýyǵynyń tabysy ortaıǵan. 

Al Reseı prezıdenti Vladımır Pýtınniń pikirinshe, qazirgi daǵdarys 2008 jylǵy daǵdarystan áldeqaıda kúrdeli. Óıtkeni pandemııa álem elderindegi iskerlik belsendilikti shektep otyr. Munyń saldary tipti aýyr bolmaq. 

Sońǵy jańalyqtar