17 Qyrkúıek, 16:50 357 0 Jańalyqtar Anar LEPESOVA

Tarazda «Biz birgemiz» monýmenti boı kóteredi

Jambyl oblysynyń ákimi Berdibek Saparbaevtyń tóraǵalyǵymen ótken Taraz qalasy qurylysy keńesiniń kezekti otyrysynda Taraz qalasyn abattandyrý boıynsha jobalar talqylandy, dep habarlaıdy  oblys ákimdiginiń resmı saıty.

Jyl saıyn oblys ortalyǵyndaǵy kórneki oryndar qatary artyp keledi. Onyń aıqyn bir mysaly - «Tekturmas» etno-tarıhı kesheni. Sońǵy ýaqytta aýmaq aıtarlyqtaı ózgerip shyǵa keldi. Aımaqtyń túkpir-túkpirinen turǵyndar sonda aǵylýda, shahar qonaqtary da sol jerdi kórip qaıtýdy maqsat etedi.

«Tekturmas» aýmaǵyndaǵy qurylys jumystary qazir de júrip jatyr. Sáýlet jáne qala qurylysy basqarmasynyń basshysy Arman Ábdeshov sol mańaıdaǵy jaǵajaı men jasandy sarqyrama jobasy týraly baıandady. Jospar boıynsha ondaǵy demalýshylar úshin qoıylatyn oryndyqtar ulttyq naqyshta bezendiriletin bolady.

«Biz birgemiz» monýmenti de shahardyń maqtanyshyna aınalýy tıis. Joba óz qurylymymen eldegi birlik pen tatýlyqty áspetteıdi.

Aıta keteıik, monýment koronavırýspen kúresken azamattarǵa arnap ornatylyp jatyr. Kópfıgýraly kompozıııanyń qaq ortasynda jer shary ornalasqan. Túrli mamandyq ıeleriniń músinderi ony qol ustasa aınaldyryp tur. Keshen de, monýment te ulttyq naqyshta oryndalady.

Oblys ákimine sondaı-aq, Óner úıi, Jastar ortalyǵy, Asa yqshamaýdanynda salynatyn alleıalar jobalary da kórsetildi. Jergilikti sáýletshiler jospardy ózge qalalardaǵy tájirıbege qarap ázirlegen eken.

«Ár ǵımarat biregeı bolýy kerek. Biraq ózara úılesim de eskerilgeni jón»,- dep eskertti aımaq basshysy.

Arman Ábdeshov Abaı men Jambyl dańǵyldary birshama ózgeretinin jetkizdi.

«Eń birinshi kezekte saýatsyz jarnama ilingen qalqandar, bılbordtardy joıý kerek. Ruqsat etilmegen jerde nysan salyp jatqan kásipkerlerdi jaýapkershilikke tartý kerek», - dep talap qoıdy Berdibek Saparbaev. Basqosý barysynda Grodekovo men Shý qalasyn abattandyrý máseleleri de qaraldy.

 

Sońǵy jańalyqtar