17 Qyrkúıek, 15:53 405 0 Nur Otan Araılym Bımendıeva

Eljandy jastar úshin eren joba

«Jas Otan» qazaqstandyq jastardy qoldaýǵa baǵyttalǵan jáne olardyń má­selesin sheshýdiń naqty joldaryn usynatyn «Jastar – Otanǵa!» 5 jyldyq baǵdarlamasyn ázirledi. Jaqynda baǵdarlama Jol kartasynyń 216 jobasy jarııalandy.

Baǵdarlamada árbir óńir, qala jáne aýdan boıynsha jastardyń ózekti máselelerin sheshýge qatysty naqty sharalar kórsetilgen. Jastar máselesi boıynsha álem­degi úzdik tájirıbeler men elimizdegi jas­­tardyń 3 myńnan astam usynysyn eskere otyryp daıyndalǵan baǵdarlamada qol­jetimdi baspana men jas otbasylardy qol­­daý, jumysqa ornalastyrý jáne ju­mys­pen qamtý máselelerin sheshýge erekshe ba­symdyq berilip otyr.

Máselen, elordaǵa aımaqtardan qo­nys aýdaryp jatqan jastar sany kóp. Olardy turǵyn úımen qamtamasyz etý – ózek­ti másele. Sonymen qatar daryndy jas­­tarǵa grant bólý, ata-anasynyń qamqor­ly­­ǵynsyz qalǵan jáne ınternattan shyq­qan jastarǵa qoldaý kórsetý de mańyzdy.

Aıta ketsek, Prezıdent jarııalaǵan bıyl­ǵy «Eriktiler jyly» aıasynda elor­dalyq jastar arasynda qalalyq jáne ha­­lyqaralyq is-sharalarǵa qatysqan jas­tar sany artqan. Mysaly, bıyl jyl basynan beri 1 500 jas qaıyrymdylyq jáne vo­lonterlik sharalarǵa qatysqan.

Baǵdarlama aıasynda astanalyq jas­tar­dy sapaly bilimmen qamtamasyz etý maqsatynda 2025 jyly ǵylymı-zertteý jáne tájirıbelik-konstrýktorlyq ju­mys­tardy qarjylandyrýdaǵy jeke sektor úle­sin 50 paıyzǵa deıin jetkizýdi maqsat etip qoıǵan. Álemdik tájirıbe kez kelgen mem­­leket ǵylymı jumystarǵa bólinetin qar­­jy kólemi 0,1 paıyzǵa artsa, sol eldiń JIÓ kólemi 1,2 paıyzǵa jetýi múmkin eke­nin kórsetedi. Osy oraıda, jeke sektor ese­binen bólinetin qarajat kólemi artsa, ǵy­lymmen aınalysýǵa yntaly jastardyń da úlesi kóbeıetini anyq.

Almaty áýelden jastardyń qalasy sanalady. Jastar qala halqynyń úsh­ten bir bóligin quraıdy. Almaty – jas­tardyń bos ýaqytyn tıimdi ótkizýge, bilim alýǵa, ju­mys­qa ornalasyp, qyzmet babymen ósýine, otbasyly bolýyna qolaıly qa­la.

Degenmen Almaty jastarynyń 38,5 paıyzy ǵana elimizdiń qoǵamdyq-saıası ómirine belsendi qatysady eken. Al jas­tardyń 40 paıyzǵa jýyǵy eldiń qoǵam­dyq-saıası ómirine qatysý jeke quqyqty qorǵaýǵa kepildik bermeıdi dep sanaıdy. Osy kórsetkishterdi eskerip «Jas Otan» jer­gilikti atqarýshy organdar men mekemelerdegi (máslıhattar, qoǵamdyq keńester, t.b.) 35 jasqa deıingi jastardyń úlesin 2025 jyl­ǵa deıin 30 paıyzǵa arttyrýdy kózdep otyr. Osy oraıda jastardy jumyspen qam­tý máselesin sheshýdi Almaty oblysyndaǵy ja­sotandyqtar qolǵa almaqshy. Jalpy atalǵan baǵdarlama iske asyrylsa, elimiz boıynsha jyl saıyn 10 myńǵa jýyq jas ju­myspen qamtylady. Osy rette «Jastar tá­jirıbesi» baǵdarlamasyn iske asyrý ar­qyly jas mamandardy jumyspen qamtý, Al­maty jastaryn qoljetimdi baspanamen qamtamasyz etý mańyzdy.

«Jastar – Otanǵa!» baǵdarlamasy boıyn­sha Jambyl oblysynda 2021 jyldan bas­tap jas otbasylarǵa arnalǵan mem­le­ket­tiń qoldaýymen salynatyn turǵyn úı sa­typ alý úshin «Áýlıeata jastary» nesıeleý baǵdarlamasyn iske qosý josparlanyp otyr. Osy rette oblys ákimdiginiń Qurylys bas­qarmasy turǵyn úılerdiń baǵasyn naryqtaǵy baǵadan 40 paıyzǵa tómendetý arqyly jastardyń turǵyn úıge qolje­timdiligin arttyrmaq. Bul – jastardy turǵyn úımen qamtamasyz etýdegi ońtaıly sheshim bolary anyq.

Al Qostanaı oblysynda buqaralyq sportty damytýǵa erekshe kóńil bólinbek. 2025 jylǵa deıin baǵdarlamany iske asyrý aıasynda jasandy jabyny bar 30 shaǵyn fýtbol alańy, 10 strıtbol alańy, strıt-vorkaýt alańdary, oblystyń qalalary men aýdandarynda 29 hokkeı korty salynbaq.

«Jastar – Otanǵa!» baǵdarlamasynyń Jol kartasynda jastar kásipkerligin da­mytýǵa da erekshe nazar aýdarylady. Aıta­lyq, Mańǵystaý oblysynda jyl saıyn 500 jas «Bastaý bıznes» baǵdarlamasy boıynsha óz isin júrgizýdi tegin oqı alady. Sondaı-aq, óńirdiń jas kásipkerleri úshin nesıeler boıynsha mólsherlemelerdi tómendetý jáne memlekettik sýbsıdııalarǵa qoljetimdilikti keńeıtý sharalary iske asyrylady.

Óńirlik baǵdarlamalarda bilim berý jáne tulǵalyq ósý salasy da qam­tylǵan. Taraz qalasynda jastar saıasaty mektebiniń bazasynda jyl saıyn 70 adam taǵylymdamadan ótedi. 2023 jyly SMART oqý ortalyǵyn ashý josparlanyp otyr. Aq­mola oblysynda 2025 jylǵa deıin 6 JOO-nyń 2 850 oryndyq jataqhana qury­lysy aıaqtalady. Petropavlda 2021 jyly jastar teatryn ashý josparlanyp otyr, al elor­dada 2 myń jasqa arnalǵan 15 jańa aýla klýby salynady.

2025 jylǵa deıingi «Jastar – Otanǵa!» baǵdarlamasyn bıyl jyl sońyna deıin bekitý josparlanǵan. Oǵan deıin joba jas­tar arasynda, onyń ishinde «Nur Otan» par­tııaishilik praımerızindegi pikirsaıys­tar aıasynda talqylaýǵa usynylady. Qa­zaq­s­tan­dyq jastar atalǵan qujatpen tanysyp qa­na qoımaı, sonymen qatar, jasotan.kz já­ne primaries.kz saıttary arqyly óz usy­nystaryn joldaı alady.

Sońǵy jańalyqtar