17 Qyrkúıek, 13:12 375 0 Praımerız Anar LEPESOVA

Elordalyq praımerız úmitkerleri qala ómirin jaqsartý joldaryn usyndy

«Nur Otan» partııasy elordalyq fılıalynyń «Almaty» aýdanynan praımerızge qatysýshylar ashyq pikirtalastardyń birinshi kezeńin aıaqtady. Úsh kún boıy partııalyqtar ózderiniń saılaýaldy baǵdarlamalarymen tanystyryp, moderatorlardyń suraqtaryna jaýap berdi, dep habarlaıdy partııanyń elordalyq fılıalynyń baspasóz qyzmeti.

Pikirtalastardyń taqyryby elordamyzdyń turǵyndaryn tolǵandyratyn máselelerge arnalǵan. Osy túıtkildi máselelerdiń barlyǵy partııa óziniń saılaýaldy baǵdarlamasynda aıqyndaǵan qalany damytýdyń basym baǵyttarynyń negizine aınaldy. Ekologııa, ShOB damytý, qoǵamdyq qaýipsizdik, gazdandyrý, úlestik qurylys - bul elordanyń TOP-10 tolǵandyratyn máseleleriniń tolyq tizimi emes.

«Partııanyń elordalyq fılıalynyń saılaýaldy baǵdarlamasynyń basty maqsaty - eń aldymen halyqtyń ál-aýqaty men ómir súrý sapasyn jaqsartý úshin jaǵdaı jasaý. Qalamyzdyń damýy «Nur-Sultan - jaıly qala» josparyna sáıkes júrgiziledi. Pikirtalas barysynda qatysýshylar osy problemalyq máselelerdi sheshýdiń joldaryn usynyp, elordadaǵy ómirdi jaqsartý boıynsha óz ıdeıalaryn engizýde», - dep atap ótti «Nur Otan» partııasy elordalyq fılıaly tóraǵasynyń birinshi orynbasary Erlan Kanalımov.

Pikirsaıystyń úsh kúninde «Almaty» aýdanynan qatysýshylar birqatar qyzyqty ıdeıalardy usyndy. Máselen, Muhammed Bolysbek halyqty áleýmettik qorǵaý máselesin talqylaǵan pikirtalasta elordanyń turǵyn úı alaptarynda jastardy qoldaý ortalyqtaryn uıymdastyrý týraly oıymen bólisti.

Onyń aıtýynsha, ortalyqta óskeleń urpaq úshin barlyq qyzmet túrleri - HQKO, jumyspen qamtý, kásipkerlikti qoldaý, medıaııa bólimderi jáne t.b. usynylady. Sonymen qatar, úgit-nasıhat kezinde Muhammed «Jastardyń qajettilikteri» taqyrybynda áleýmettik zertteý júrgizdi, nátıjesinde orta jáne joǵary oqý oryndarynyń túlekteriniń kópshiligi tájirıbesi joq bolǵandyqtan jumys taba almaıtyndyǵy anyqtaldy.

Pikirtalastaǵy qyzyqty taqyryptardyń biri kórkem gımnastıkadan halyqaralyq dárejedegi sport sheberi Anna Alıabevaǵa tústi. Birneshe mınýt ishinde ol nóser kárizderi men tazartý qurylystary problemasyn sheshý joldaryn usynýy kerek edi. Tanymal sportshy óz sózinde bul máselege ekonomıkalyq turǵydan góri ekologııalyq turǵydan kóbirek mán berý kerektigin aıtty. Onyń aıtýynsha, bul júıelerdiń buzylýy men isten shyǵýy qaladaǵy sanıtarlyq-epıdemıologııalyq jaǵdaıdy nasharlatýy múmkin. Sheteldik tájirıbeni paıdalaný, mamandandyrylǵan mekemelerdi tartý jáne sanıtarlyq normalar men erejelerden bas tartý nemese qaıta qaraýdy usyndy.

Sonymen qatar, partııaishilik irikteý bastalǵannan beri úgit – nasıhat jáne ashyq pikirtalastar júrgizý barysynda qandaı da bir buzýshylyqtar tirkelgen joq.

Praımerız 2020 jyldyń 17 tamyzynda bastaldy. Tirkeý kezeńinde elordanyń 403 turǵyny óz kandıdatýralaryn usyndy, olardyń basym bóligi ózin-ózi usynǵan azamattar.

«14 qyrkúıekte bastalǵan úgit-nasıhat jáne ashyq pikirtalas barysynda elordanyń uıymdastyrý komıteti aıtarlyqtaı buzýshylyqtardy anyqtaǵan joq. Eger praımerızge qatysýshy qatelikter jiberse, partııalyq baqylaý komıssııasy jedel túsinikteme beredi nemese eskertý jasaıdy. Pikirsaıysty ótkizip alǵan qatysýshylarda bar, mysaly, «Almaty» aýdanynan 13 qatysýshy pikirsaıysqa túsken joq. Qazirgi ýaqytta PBK músheleri olardyń qatyspaý sebebin anyqtaýda. Komıssııa otyrysynyń qorytyndysy boıynsha olarǵa qatysty sheshim qabyldanady", - dedi «Nur Otan» partııasy elordalyq fılıaly tóraǵasynyń birinshi orynbasary Erlan Kanalımov.

Elordada ashyq pikirtalas 2020 jyldyń 29 qyrkúıegine deıin jeksenbiden basqa kúnderi kún saıyn ótedi. Barlyǵy 9-10 adamnan 42 top quryldy.

Sońǵy jańalyqtar