17 Qyrkúıek, 13:29 312 0 Praımerız Túrkistan Gazeti

Erol Baryn: Qazaqstannyń demokratııa ornatý jolyndaǵy jumysy joǵary deńgeıde

Erol Baryn, jazýshy, túrik til bilimi doktory (Túrkııa):

– Túrkııa men Qazaqstan arasyndaǵy baılanys kún ótken saıyn nyǵaıyp keledi. Eki baýyrlas el arasyndaǵy tarıhı qatynastar da jyl ótken saıyn tereńdep keledi. Memleket basshylarynyń da birigip jumys isteýdi basty nazarda ustaı­tyny qýantady. Pandemııa ýaqytynda Túrkııa medıınalyq jab­dyqtar men naýqastardy emdeý joldaryn Qazaqstanmen bólisti. Mundaı birlesken jumystar halyqaralyq arenada da jal­ǵasyp jatyr.

Aldaǵy ýaqytta Qazaqstanda ótetin jergilikti saılaýda da Túrkııa óz tájirıbelerimen bólispek. Qazaqstanda praımerızdiń ekinshi kezeńi bastaldy. Demokratııa jergilikti ózin-ózi basqarý organdarymen birge kúsheıedi. Qazaqstannyń demokratııany ornatý úshin jasaǵan jumysy óte joǵary deńgeıde. Demokratııanyń negizi bolyp tabylatyn saılaý jáne saılaný quqyǵy mańyzdy. Qazaqstandaǵy de­mokratııalyq tásilmen ótkiziletin jergilikti saılaýlar Túrkııada ótken saılaýlar sekildi tamyryn tereńge jaıýǵa kómektesedi dep senemin.

Qazaqstan Prezıdenti Qasym-Jomart Toqaevtyń júrgizip otyrǵan saıasaty óte joǵary deńgeıde dep baǵalaımyn. Máselen, Q.Toqaev 2020 jyldyń 1 qyrkúıegindegi Joldaýynda bılikke jastardy kóbirek tartý jaıly sóz qozǵady. Toqaev myrzanyń bul usynysy jastar máselesiniń ýaqytynda sheshilýine, sonymen qatar eldi dınamıkalyq basqarýǵa oń yqpal jasaıdy. Osylaısha, jas urpaq arasynda eldi jáne Otandy basqarý týraly túsinik keńinen taralady.

Sońǵy jańalyqtar