17 Qyrkúıek, 12:33 767 0 Zań Anar LEPESOVA

"Qorǵas isi": Shveıarııaǵa áketilgen 390 mln teńgeden astam qarjy elge qaıtaryldy

Elimizden zańsyz túrde Shveıarııaǵa áketilgen 390 mln teńgeden astam qarajat Qazaqstanǵa qaıtaryldy. Bul týraly Qazaqstan Bas prokýratýrasynyń resmı saıtynda habarlandy. 

Qarajat elimizge 14 qyrkúıek kúni qaıtarylypty. Atalmysh somany «Qorǵas isi» boıynsha uıymdasqan qylmystyq qoǵamdastyq músheleri jymqyryp, Shveıarııaǵa alyp ketken. Shveıarııanyń Federaldyq bıligi 390 mln teńgeden astam qarajatty Qazaqstanǵa qaıtardy.

"Atalǵan qarajat 2012 jyldan beri halyqaralyq izdeýde júrgen qylmystyq uıymdasqan toptyń belsendi músheleriniń biri Maǵzum Ábdiralıevke tıesili Shveıarııa bankindegi sheteldik kompanııanyń shotynda bolǵan", - dep jazady Bas prokýratýranyń resmı saıty.

Belgili bolǵandaı, Shveıarııadan Ábdiralıevtiń qylmystyq aktıvterin qaıtarý boıynsha jumys 2018 jyldan beri júrgizilip kelipti. Atalmysh is boıynsha buǵan deıin 2019 jyly memleket kirisine Shveıarııadan 140 mln teńge qaıtarylǵan eken.

Quzyrly mekeme "Qorǵas isi" aıasynda Shveıarııadan memlekettik bıýdjetke shetelden aktıvterdi qaıtarý boıynsha jumys barysynda túsken qarajattyń jalpy somasy shamamen 530 mln teńgeni, ıaǵnı 1,3 mln AQSh dollarynan astam qarajatty quraǵanyn alǵa tartty.

Sońǵy jańalyqtar