17 Qyrkúıek, 10:07 4412 0 Jahan Anar LEPESOVA

Ózbekstandyq muǵalimder jappaı indet juqtyryp, mektepter jabyldy

Ózbekstanda muǵalimderdiń jappaı koronavırýs juqtyrýy saldarynan mektepter qaıta jabyldy. Tashkentte eki mekteptiń jumysy toqtatyldy.

Apta basynda Ózbekstanda jańa oqý jyly bastalǵan edi. Eldegi 6 mln shákirttiń teń jartysy dástúrli oqý formatyn tańdasa, jartysy sabaqqa onlaın qatysýdy jón kórgen. Mektepterdiń jumysy bastalmas buryn memlekettegi barlyq muǵalim koronavırýstyń test tapsyrdy.  Test qorytyndysy boıynsha Samarqand oblysynda 250-ge tarta, Buqara óńirinde 200-den astam, al Ándijan aımaǵynda 50 shaqty ustazdyń indet juqtyrǵany belgili boldy. Saldarynan mektepterdi qashyqtan oqý formatyna kóshirýge týra keldi.

Pandemııa bastalǵaly Ózbekstanda koronavırýs juqtyrǵandar sany 49 myńnan asty. Elde indetten 407 naýqas kóz jumdy.

Aıta keteıik, ótken táýlikte Qazaqstanda 74 adamnan koronavırýs anyqtalyp, indetke shaldyqqandardyń jalpy sany 107 myńnan asty. Indet qurbandarynyń sany 1671-ge jetti.

Sońǵy jańalyqtar