16 Qyrkúıek, 20:31 406 0 Jańalyqtar Asyl TUMAR

Qala turǵyndary Medeý men Shymbulaq jolynyń sapasyna shaǵymdandy

Almaty qalasynyń ákimi Baqytjan Saǵyntaev Medeý men Shymbulaq jolynyń jóndeý jumystary qashan aıaqtalatynyn aıtty.

«Almaty» telarnasyndaǵy Akimat Live baǵdarlamasynyń tikeleı efırinde qala turǵyndary Medeý men Shymbulaq jolynyń sapasyz salynǵanyna shaǵymdandy.

«Medeý men Shymbulaq – Almatynyń ǵana emes, búkil eldiń maqtanyshy, brendi. Men ol jaqqa bardym. Asfalt qalaı tóselgen? Meniń oıymsha, óte jaqsy. Jumys jalǵasyp jatyr. Osy jerde suraq týyndaıdy: qajet pe, joq pa? Joldy únemi kútip ustaý kerek, ásirese biz bul joldy qys mezgilinde jıi qoldanamyz. Taýǵa týrıster men qala turǵyndary jıi barady. Sondyqtan qaýipsizdik birinshi orynda», – dedi ol.

Onyń aıtýynsha, Medeýge aparatyn joldyń bir bóligi 2018 jyly jóndelgen.

«Asfaltta kóptegen jaryqtar paıda boldy. Sondyqtan, biz ortasha jóndeý jumysyn júrgizý jóninde sheshim qabyldadyq. Beton qorshaýlaryn da aýystyrý qajet. Biz tek búlingen jerdi retke keltiremiz», – dedi ákim.

Sóz sońynda Baqytjan Saǵyntaev jóndeý jumystary jaqyn arada aıaqtalatynyn aıtty.

Sońǵy jańalyqtar