16 Qyrkúıek, 10:54 463 0 Praımerız Asyl TUMAR

«Nur Otan» partııasy praımerızine qatysýshy qandastar máselesin kóterdi

Shyǵys Qazaqstan oblysynda  ótken ashyq pikirsaıysqa 50-den astam úmitker qatysyp, qoǵamnyń ár salasyndaǵy ózekti máselelerdi kóterdi.

ShQO-nyń aýdan ortalyqtarynda ótken pikirsaıysta praımerızge qatysýshy úmitkerler baǵdarlamalarynda aýyldy eldimekenderdegi naqty máselelerdi sóz etti.

«Aýyldy jerlerde turatyn halyqty taza sapaly aýyz sýmen tolyqtaı qamtamasyz etý, jol máselesi, bilim salasyndaǵy túıtkilder, Densaýlyq salasyndaǵy kezek kúttirmeı sheshýdi qajet etetin suraqtar osynyń bárin óz baǵdarlamamnyń basym baǵyttary etip alyp otyrmyn», – dedi praımerızge qatysýshy úmitker Abýlhanov Darhan.

Pikirsaıystyń birinshi kezeńinde qatysýshylar óz baǵdarlamalaryn tanystyrsa, ekinshi kezeńinde suraqtarǵa jaýap beredi. Spıkerlerge debatty onlaın tamashalap otyrǵan kórermender áleýmettik jeli arqyly suraq qoıýýǵa múmkindik aldy.

Oblys ortalyǵynda ótken pikirsaıysqa «Nur Otan» partııasy Shyǵys Qazaqstan oblystyq fılıaly tóraǵasynyń birinshi orynbasary Oleg Chýgýnkov arnaıy qatysyp, úmitkerlerge sáttilik tiledi.

«Elimiz egemendik alǵan kúnnen bastap ózge eldegi qandastarymyz Elbasymyz Nursultan Nazarbaevtyń bastamasymen  «Nurly kósh»  baǵdarlamasy arqyly  atamekenge oralýǵa múmkindik aldy. Búgingi kúnge deıin mıllıondaǵan baýyrlarymyz Otanyna kelip tabysty qyzmet etýde. Memleket tarapynan qoldaýlarda joq emes. Dese de qandastarǵa qatysty máseleler az emes, azamattyq alýdaǵy túrli qıyndyqqtar, baspanamen qamtý, ortaǵa beıimdeý jumystaryn júrgizý syndy máseleler sheshýdi qajet etedi», – dedi Óskemen qalasynan praımerızge qatysýshy úmitker Áskerhan Hýanbaı.

Aıta keteıik, ashyq pikirsaıystar 30 qyrkúıekke deıin jalǵasady.

Sońǵy jańalyqtar