16 Qyrkúıek, 12:30 430 0 Aımaq Dilda ÝÁLIBEK

Túrkistanda jyl sońyna deıin 7 kásiporyn iske qosylady

Túrkistan oblysyndaǵy Indýstrıaldy aımaqta jyl sońyna deıin jalpy quny 2,6 mlrd teńge bolatyn 7 joba iske asyrylady, – dep habarlaıdy Óńirlik kommýnıkaııalar qyzmeti.

Jospar júzege asqanda 446 jańa jumys orny ashylmaq. Sonyń biri – jýyrda ǵana oblys ákimi Ó.Shókeevtiń arnaıy qatysýymen irgetas kapsýlasyn salý rásimi ótken «Turkestan Tekstil» BK tigin fabrıkasy. Jobanyń jalpy quny – 415 mln teńge. Bul týraly «Turkistan» ındýstrıaldy aımaqtardyń basqarýshy kompanııasynyń bas dırektory Talǵat Qydyrbaev málimdedi.

Onyń sózinshe, «Bekzat» móltek aýdanyndaǵy 40 gektar jerdi alyp jatqan ındýstrıaldy aımaq 350 gektarǵa deıin ulǵaıtylady. «Álemdi alańdatqan indetke baılanysty elde jarııalanǵan tótenshe jaǵdaı men karantın rejımi kásipkerlik nysandaryna aıtarlyqtaı keri áserin tigizdi. Máselen, jumys istep turǵan mekemelerdi bylaı qoıǵanda, jańadan ashylatyn kásiporyndardyń qurylys jumystary baıaýlady.

Degenmen, jyl sońyna deıin ǵımarat qujattaryn zańdastyrý jaǵy qolǵa alynady. Búginde osyǵan baılanysty tıisti jumystar júrgizilýde», – dedi T.Alpysbaıuly. Qazirgi tańda Túrkistan qalasyndaǵy ındýstrıaldy aımaqta jumys isteıtin azamattarǵa qolaıly jaǵdaı jasaý úshin tıisti sharýalar atqarylýda. Atap aıtqanda, aımaqtyń joldary asfalttalyp, velojoldarmen qamtylýda. Muny mamandar jumysshylardyń emin-erkin qatynaýyna oń áser beretininimen baılanystyrady. Sondaı-aq, onda shaǵyn fýtbol alańshasy men tennıs kordy salynyp, jumysshylardyń tıisti deńgeıde salaýatty ómir saltyn ustanýyna múmkindik týady.

Aıta ketsek, jalpy oblysta 9 ındýstrıaldy aımaq bar. Olar Túrkistan, Kentaý qalalary men Ordabasy, Sozaq, Túlkibas, Báıdibek, Qazyǵurt, Shardara, Maqtaaral aýdandarynda ornalasqan. 2019 jyly atalǵan ındýstrıaldy aımaqtarda quny 4,3 mlrd teńgeni quraıtyn 8 joba iske qosylyp, 460 jańa jumys orny ashylǵan. Nátıjesinde óńir bıýdjetine 1,2 mlrd teńge salyq aýdarymdary jasalyp, 6,77 mlrd teńgeniń ónimi óndirilgen. Bul 2018 jylmen salystyrǵanda 4 esege artyq.

Sońǵy jańalyqtar