16 Qyrkúıek, 10:25 399 0 Jańalyqtar Asyl TUMAR

«Dárigerler alleıasy» ashylady

Qyzylorda qalasynda «Dárigerler alleıasy» ashylady. Jergilikti ákimdiktiń málimetinshe, oblys ortalyǵynda qalalyq densaýlyq jáne demalys saıabaǵy boı kóterip keledi. Demalys saıabaǵy 35 gektar aýmaqqa ornalasqan. Bul jumystardy «Baq-Bereke 2030» JShS atqarýda.

Josparǵa saı munda velojol, 6 sporttyq oıyn alańy bolady. Qazir aıaq sý kanaly, túngi jaryq shamdary men oryndyq, qoqys jáshikteri ornatylǵan. Saıabaqta 20 myńnan astam kóshet pen 60 myńǵa jýyq gúl egilgen.

Demalys ornynda 10 450 sharshy metr aýmaq abattandyrylǵan. Saıabaqty aralap kórgen qala ákimi Nurlybek Nálibaev merdiger kompanııa atqarǵan jumysty joǵary baǵalady. Jasyl jelekti kóbeıtý maqsatynda qala turǵyndaryn kúzgi maýsymda tal kóshetterin otyrǵyzýǵa úndeý kerektigin aıtty.

Sondaı-aq, «Syr Ana» monýmentin qaıta jańǵyrtý jumystary tolyǵymen aıaqtaldy. Ony «Tehnosnaska – Remservıs» JShS oryndap shyqty. Bul oryndaǵy 3150 sharshy metr aýmaq kógaldandyryldy. Onda 348 dana aǵash kósheti, 7 900 sharshy metrge kógal tóseldi. Jaıaý júrginshiler joly men sporttyq-oıyn alańy, 2 sýburqaq salyndy.

Sultan Beıbarys kóshesinen Qyzyljarma kanalyna deıin 4,6 shaqyrymdy quraıtyn magıstraldi jol qurylysy qarqyndy júrýde. Bul jumyspen aınalysyp jatqan «Qyran» JShS joba boıynsha kúre jol boıyna 3 shaqyrymǵa jýyq velojol men jaıaý júrginshi jolyn saldy. Sol aýmaqta 3 avtoturaq, 4 aıaldama ornatyldi. Túngi jaryq shamdarmen qamtyldy. Qazirgi ýaqytta 1,7 shaqyrym jolǵa qıyrshyq tas tóselip, qoǵanys bógetterin taspen bekitý júrgizilýde.

Memlekettik baǵdarlama negizinde júzege asqan jobanyń biri – Nursultan Nazarbaev dańǵylyn abattandyrý jumystary. Abattandyrý «Syr súleıleri» alleıasynan bastalyp Tasbóget kentine deıin jalǵasady. Uzyndyǵy – 8 shaqyrym. Jol boıyna kógal tóseledi. Sýburqaqtar men trotýar salynady. Ony «Asana-Dar» JShS jaýapkershilikke alǵan. Merdiger joba aıasynda 180 adamdy eńbekpen qamtyǵan.

 

Sońǵy jańalyqtar