15 Qyrkúıek, 19:54 575 0 Jahan Anar LEPESOVA

Japondar ómir súrý uzaqtyǵy boıynsha taǵy da rekord jańartty

Japonııada 100 jasqa tolǵan 80 myńnan asa adam tirkelip, memleket ómir súrý uzaqtyǵy boıynsha taǵy da rekord jańartty. Bul týraly eldiń Densaýlyq saqtaý, eńbek jáne áleýmettik qamsyzdandyrý mınıstrligine silteme jasap Kyodo habarlady.

Vedomstvo deregine súıensek, eldiń 100-ge tolǵan turǵyndarynyń sany ótken jylmen salystyrǵanda 9 176 adamǵa artyp, 80 450-ge jetti. Olardyń 88,2 paıyzy – áıelder.

Ótken jyly Japonııada ómir súrýdiń ortasha uzaqtyǵy áıelderde 87,45 jas, al er adamdarda 81,41 jas bolǵan edi. Bul – álemniń eshbir memleketinde tirkelmegen rekordtyq kórsetkish.

Aıta keteıik, álemdegi eń qart áıel – japonııalyq Kane Tanaka. Ol qańtar aıynda óziniń 117 jasqa tolǵan týǵan kúnin atap ótken bolatyn.

Sońǵy jańalyqtar