15 Qyrkúıek, 18:24 445 0 Praımerız Túrkistan Gazeti

Praımerız: Aqmolalyq úmitkerler aýyl sharýashylyǵy máselelerin kóterdi

Aqmola oblysynyń Astrahan aýdanynda praımerızge qatysýshylardyń pikirsaıysy belsendi túrde ótip jatyr.

Búgin Zelenoe aýylynda ótken saıası pikirtalasqa bıznes, mádenıet, óndiris, bilim berý salalarynyń ókilderi qatysty. Pikirsaıys áleýmettik jelilerde tikeleı efırde kórsetildi.

Sóz sóıleýshilerdiń árqaısysy reglamentti saqtaı otyryp, qatysýshylarǵa óz jobalary men josparlary týraly aıtyp berdi. Praımerızge qatysýshylardyń arasynda arasynda mal sharýashylyǵyn damytý, aýyl sharýashylyǵyn kadrlyq qamtamasyz etý taqyryptary qyzý pikirtalas týdyrdy. Problemalardy sheshýdiń bir sheshimi retinde mal sharýashylyǵymen aınalysý úshin bıýdjettik sýbsıdııalaýdy arttyrý qarastyryldy.

Agroónerkásiptik keshen ekonomıkanyń bazalyq salasy ekeni jáne adam ómiriniń barlyq salalary onyń jaı-kúıine baılanysty bolatyny da basa mán bere aıtyldy.

Sondaı-aq, pikirtalasqa qatysýshylar jerdi jekeshelendirý taqyryby boıynsha pikir bildirdi. Pikirsaıysshylar Memleket basshysy Q.Toqaevtyń agrarlyq sektorǵa ınvestıııalar asa mańyzdy jáne bolashaqta aldymyzda aýyl sharýashylyǵy jerlerin tolyqqandy ekonomıkalyq aınalymǵa tartý nysandaryn ázirleý mindeti tur, - degen sózderin qoldaıtyndaryn atap ótti.

"Kópshilik pikirsaıys —  máseleni talqylaýdyń jáne sheshýdiń, sonymen qatar basqa da qıyn suraqtarǵa jaýap izdeýdiń taptyrmas joly. Bizdiń aýdanda praımerızdiń 41 qatysýshysy tirkelgen, olar 12 topqa bólingen, olardyń barlyǵy pikirsaıysqa qatysady", - dep pikir bildirdi "Nur Otan" partııasy Astrahan aýdandyq fılıaly tóraǵasynyń birinshi orynbasary Quralbek Súleımenov.

Sońǵy jańalyqtar