15 Qyrkúıek, 18:29 455 0 Nur Otan Túrkistan Gazeti

«Jastar-Otanǵa!»: Jastardyń baspana satyp alýy jeńildeı túspek

Belsendilerdiń aıtýynsha, jastardyń baspanaly bolýy «Jastar-Otanǵa!» baǵdarlamasy aıasynda múmkin bolmaq. Búgin atalǵan baǵdarlama Ortalyq kommýnıkaııalar qyzmeti alańynda ótken saraptamalyq brıfıngte tanystyryldy. Jumystyń bes jańa baǵytynyń biri jumysqa ornalastyrý tetikterin damytýǵa jáne jastar kásipkerligin qoldaýǵa qatysty. 

Sondaı-aq, aldaǵy 5 jylda jastar arasyndaǵy jumyssyzdyqty 3,7% - ǵa deıin, al NEET úlesin 6,8% - ǵa deıin tómendetýge nıetti.

«Jas Otan» jastar qanatynyń tóraǵasy Elnur Beısenbaev atap ótkendeı, jas qazaqstandyqtardyń 1/5 bóliginiń ǵana óz baspanasy bar. Sondyqtan tórtinshi baǵyt - jastardyń baspana satyp alýyn qoljetimdi etý. Qazir bul sanatqa jatatyndardyń «7-20-25», «Nurly jer», «Jas otbasy» baǵdarlamalary boıynsha turǵyn úı satyp alýǵa múmkindigi bar. Biraq bastapqy jarna men tabys deńgeıine qatysty máseleler týyndaıdy. Sondaı-aq, jergilikti atqarýshy organdar jelisi boıynsha jas otbasylarǵa arnalǵan turǵyn úı baǵdarlamalary joq. Óńirlerdegi mádenı demalys máselelerine qatysty da qıyndyqtar bar.

«Keıbir óńirlerde, mysaly, kitaphanalar az, basqalarynda olardyń sany ondaǵan ese kóp, sport keshenderimen, stadıondarmen jáne kovorkıng ortalyqtarymen de jaǵdaı solaı. Aýyldarda da, qalada da jastar demalysyna arnalǵan mekemeler tapshylyǵy baıqalady. Jol kartalarynda aýyl jastaryna erekshe kóńil bólingen. Aýyldyq jerlerde jalpy 450 myń adamǵa eseptelgen sport nysany salynatyn bolady. Al qazaqstandyq stýdentterdiń 1/4 bóligi jataqhanamen qamtamasyz etiledi», - dedi partııanyń jastar qanatynyń tóraǵasy.

Sońǵy jańalyqtar