15 Qyrkúıek, 17:51 437 0 Óner Anar LEPESOVA

Q.Qýanyshbaev atyndaǵy drama teatryna jańa basshy keldi

Elordadaǵy Qalıbek Qýanyshbaev atyndaǵy Memlekettik akademııalyq qazaq mýzykalyq drama teatryna dırektor bolyp Ernar Qurbanbekuly Jumataev taǵaıyndaldy,  dep habarlaıdy teatrdyń baspasóz qyzmeti. 

Ernar Qurbanbekuly - 1984 jyly Tashkent oblysy, Shyńǵys aýylynda dúnıege kelgen. 2002 jyly T. Júrgenov atyndaǵy Qazaq ulttyq óner akademııasyndaǵy professor N. Jaqypbaı sheberhanasynda "Drama jáne kıno akteri" mamandyǵyn ıgeredi.

Akademııany támamdaǵan soń, Tazabekov teatrynda akterlik qyzmet atqarady. Al 2007 jyly rejısser Nurqanat Jaqypbaı men shákirtteri bastaǵan top elordadaǵy Jastar teatrynyń irgesin qalaıdy.

Ernar Qurbanbekuly qazaq jurtyna "Denar" toby arqyly jaqsy tanys. 2008 jyly qurylǵan top elimizdiń estrada ónerine ózderiniń erekshe stılimen kelip, halyq arasyna birden tanylyp ketken bolatyn. Keıin ol óziniń mamandyǵy boıynsha kıno jáne serıaldarǵa túse bastady. Óner ıesiniń "Báıterek", "Amanat" kórkem fılmderindegi, sonymen birge "Áke serti", "Syrǵalym" serıaldaryndaǵy rólderi óz kórermenin taba bildi.

Óner ujymynyń basshylyǵyna taǵaıyndalǵan Ernar Kurbanbekuly - Jastar teatrynyń shańyraǵyn kóterip, ýyǵyn qadasqandardyń biri. Ol teatrdyń birqatar repertýaryndaǵy N. Gogoldiń "Revızor" tragıfarsynda - Osıp, Ǵ. Músirepovtiń "Qozy men Baıan" mıýzıklinde - Aıbas, Sh. Aıtmatovtyń "Jan azaby" áfsanasynda - Máńgúrt Jolaman rólderin sátti somdady.

Elordamyzdaǵy Beıbitshilik jáne kelisimi saraıy dırektorynyń orynbasary boldy. 2016 jyldan bastap osy ýaqytqa deıin Nur-Sultan qalasy Jastar teatrynyń dırektory bolyp qyzmet atqardy. "Qurmet" ordeniniń ıegeri.

 

Sońǵy jańalyqtar