3 Maýsym 2020, 16:53 784 0 Jańalyqtar Asyl TUMAR

Úıinde arystan asyraǵan azamatqa aıyppul salyndy

Sýret ǵalamtordan alyndy
Sýret ǵalamtordan alyndy

Jas jigit Reseıde afrıkalyq arystannyń kúshigin satyp alyp, ony eshqandaı ruqsatsyz Qazaqstanǵa alyp kelgen, – dep jazdy QazAqparat.

«Smaǵulov Danııal Amangeldiuly Ákimshilik kodekstiń 389-baby birinshi bóligi boıynsha kináli dep tanylyp, oǵan 27 780 teńge kóleminde aıyppul salynsyn jáne 2019 jyldyń besinshi qarashasynda týǵan Sımba esimdi afrıkalyq arystannyń kúshigi tárkilensin», – dep sheshim shyǵardy Pavlodar qalasy mamandandyrylǵan ákimshilik sotynyń sýdıasy Serik Mardanov.

Sottyń málimeti boıynsha, 9 sáýirde «Brakoner» jedel-profılaktıkalyq is-shara barysynda áleýmettik jelige monıtorıng júrgizý kezinde 23 jastaǵy Danııal Smaǵulovtyń afrıkalyq arystan kúshigi bar ekeni anyqtaldy. Belgili bolǵandaı, ol 31 naýryzda jabaıy janýardy Reseıden sáıkes ruqsat qujatynsyz Qazaqstanǵa ákelgen. Arystan kúshigi Quryp ketý qaýpi tóngen jabaıy faýna men flora túrlerimen halyqaralyq saýda týraly konvenııaǵa jatatyn bolyp shyqty. Oǵan osylaısha ákimshilik quqyq buzdy degen aıyp taǵyldy. Jigit sotta kinásin moıyndady.

«Ol afrıkalyq arystandy ákelýge ruqsat qujatyn almaǵanyn túsindirdi. Ol janýardy 2020 jyldyń 11 aqpanynda RF «Amýrskıı tıgr» jaýapkershiligi shekteýli qoǵamdastyǵynan satyp alyp, Qazaqstan Respýblıkasynyń aýmaǵyna alyp ótken», – dep habarlady sottan.

Sot isine qatysqan Pavlodar oblysy orman sharýashylyǵy jáne janýarlar álemi aýmaqtyq ınspekııasynyń bas mamany Qabdýlla Sýhanqulov afrıkalyq arystannyń joıylý qaýpi bar janýarlar túrine jatatynyn jáne Quryp ketý qaýpi tóngen jabaıy faýna men flora túrlerimen halyqaralyq saýda týraly konvenııaǵa enetin osyndaı janýarlardy ákelý úshin mindetti túrde ruqsat qujaty bolýy kerektigin atap ótti.

«Janýardyń jeke kartochkasy bolǵan. Oǵan sáıkes, arystannyń kúshigi RF «Amýrskıı tıgr» jaýapkershiligi shekteýli qoǵamdastyǵynda (Prımor ólkesi Shkotovo aýdany Shkotovo kenti) týǵan. Sımba atty afrıkalyq arystannyń halyqaralyq veterınarlyq tólqujaty bar, alaıda afrıkalyq arystandy alyp ótýge ruqsaty bolmaǵan», – dep atap ótti Pavlodar qalalyq mamandandyrylǵan ákimshilik sotynan.

Sońǵy jańalyqtar