2 Maýsym 2020, 17:28 652 0 Jahan Anar LEPESOVA

Reseıde koronavırýs qurbandarynyń sany 5 myńnan asyp jyǵyldy

Ótken táýlikte Reseıdiń 84 óńirinde koronavırýs juqtyrýdyń 8863 jańa deregi tirkeldi. Bul týraly eldegi indettiń taralýyn baqylaý jónindegi jedel shtab habarlady.

Shtab málimetinshe, sońǵy táýlikte  11 108 adam emdelip shyqqan. Sondaı-aq, bir kúnde 182 naýqastyń kóz jumǵany belgili boldy.

Pandemııa bastalǵaly Reseıde qaterli vırýsty 423 741 adam juqtyrǵan. 186 985 adam dertinen aıyqsa, 5037 naýqas qaıtys boldy.

Aıta keteıik, Djons Hopkıns ýnıversıtetiniń sońǵy dereginshe, álemde koronavırýsqa shaldyqqandar sany 6 289 259 adamǵa jetti. Indet qurbandarynyń jalpy sany – 375 994.

Al Qazaqstandaǵy epıdemıologııalyq ahýalǵa kelsek, elimizde 11 571 adamnan koronavırýs anyqtaldy.  5757 adam emdelip shyqty. 41 naýqas kóz jumdy.

Sońǵy jańalyqtar