2 Maýsym 2020, 15:35 18508 0 Jańalyqtar Asyl TUMAR

Áýe reısi qaıtadan toqtatylady – mınıstr

Sýret ǵalamtordan alyndy
Sýret ǵalamtordan alyndy

QR Indýstrııa jáne ınfraqurylymdyq damý mınıstri Beıbit Atamqulov koronavırýspen aýyrǵandar kóbeıgen elderge áýe reısi qaıtadan toqtatylatynyn aıtty.

QazAqparattyń jazýynsha, Ortalyq kommýnıkaııalar qyzmetinde ótken esep berý brıfınginde spıker: «Halyqaralyq áýe reısterin jandandyrý jumystaryn biz ǵana atqarmaımyz. Munda Densaýlyq saqtaý mınıstrligi óz jelisi boıynsha jumys isteýde, sebebi tıisti tekserýlerden ótip, ushýǵa ruqsat alý úshin birneshe proedýra júrgizý kerek. QR Syrtqy ister mınıstrligi de eńbek etip jatyr. Buryn vızasyz usha beretin elder vıza men ruqsattamany mindettep qoıǵan. Osylaısha, áriptestermen keshendi jumys júrgizip jatyrmyz», – dep atap ótti.

Onyń aıtýynsha, koronavırýs pandemııasyna qatysty jaǵdaı turaqtalǵan birneshe eldiń avıaııalyq bıligimen reısterdi qalpyna keltirý máseleleri talqylanyp jatyr.

«Bizge shet elderdegi keıbir shekteýler men tyıymdardy alǵyzý kerek. Sonymen birge, bas sanıtarlyq dáriger atalǵan elderdegi jaǵdaıdy mindetti túrde baqylaýǵa alady. Ruqsat berilgen elderde epıdemıologııalyq jaǵdaı qıyndasa, ushýdy jedel toqtatýǵa májbúr bolamyz. Bul – reısterdi jandandyrý boıynsha Densaýlyq saqtaý mınıstrliginiń mindetti talaby», – dep túsindirdi mınıstr.

Sonymen birge, mınıstr Nıý-Iork pen Sıngapýrǵa áýe reısterin ashý josparynyń Vedomstvoaralyq komıssııanyń kelesi otyrysynda qaralatynyn aıtty.

Buǵan deıin mınıstr Qazaqstanda halyqaralyq reısterdiń kezeń-kezeńimen ashylatynyn aıtyp, ruqsat berilgen alǵashqy memleketter tizimin jarııalady. Sondaı-aq, áýe kompanııalarynyń bılet qunyn aıyppulsyz, tolyq qaıtarýǵa mindetti ekenin jetkizdi.

Sońǵy jańalyqtar