2 Maýsym 2020, 12:10 1868 0 Jańalyqtar Asyl TUMAR

UBT: pedagog mamandyǵyna úmitker túlekterge talap kúsheıdi

Sýret ǵalamtordan alyndy
Sýret ǵalamtordan alyndy

Bıyl pedagog mamandyǵyna úmitker túlekterge shekti ball kóterildi. Bul týraly Úkimet otyrysynda QR Bilim jáne ǵylym mınıstri Ashat Aımaǵambetov aıtty, – dep jazdy QazAqparat.

«UBT belgilengen merzimde, ıaǵnı, 25 maýsymnan 5 shildege deıin sanıtarlyq talaptardy qatań saqtaý arqyly 161 pýnktte ótkiziledi. Bıyl UBT qaǵıdalaryna birneshe jańashyldyq da engizildi. Atap aıtqanda, UBT-ǵa qatysý úshin kirý kezinde bet-álpetin taný Face ID kómegimen tulǵany sáıkestendirý alǵash ret qoldanylady. Jylda berilgen qaǵaz sertıfıkattyń ornyna UBT elektrondy sertıfıkaty jáne bilim berý grantyn taǵaıyndaý kezindegi elektrondy kýálikti engizdik», – dedi mınıstr.

Onyń atap ótýinshe, halyqaralyq testilerdiń balyn UBT upaıyna aýdarý shkalasy engizilgen. Sondyqtan mundaı halyqaralyq sertıfıkattary bar tulǵalar UBT-dan bosatylady jáne bilim berý grantyn taǵaıyndaý konkýrsyna osy aýysqan baldary arqyly qatysa alady.

«Akademııalyq kezeń aıaqtalǵanǵa deıin qabyldanǵan UBT shekti balyn jınamaǵan tulǵalar endi jyl boıy UBT tapsyrý múmkindigine ıe. Pedagogıkalyq mamandyqtarǵa túsý úshin talap kúsheıtilýde. Bul týraly Prezıdenttiń tapsyrmasy da bar. Máselen, pedagog bolý úshin shekti ball aldyńǵy jyly 50-den 60-qa kótersek, bıyl ony 70 balǵa deıin kóterip otyrmyz», – dedi Ashat Aımaǵambetov.

Sońǵy jańalyqtar