2 Maýsym 2020, 11:34 718 0 Jańalyqtar Asyl TUMAR

UBT: bıyl 132 myńǵa jýyq túlek test tapsyrady

Sýret ǵalamtordan alyndy
Sýret ǵalamtordan alyndy

Bıyl elimizde 132 myńǵa jýyq adam Ulttyq biryńǵaı testin tapsyrady. Bul týraly Úkimet otyrysynda QR Bilim jáne ǵylym mınıstri Ashat Aımaǵambetov aıtty.

«UBT bıyl 17-ret ótkiziletin bolady. Osy kezeń aralyǵynda testileýge 2 mıllıonǵa jýyq adam qatysyp shyqty. 2019 jyldan bastap UBT jylyna 4 ret: qańtar, naýryz, tamyz aılarynda ótkizilýde. Bıyl UBT formaty ózgergen joq. Barlyǵy 5 pán, 3 mindetti jáne 2 beıindi pán boıynsha testileý qaǵaz júzinde ótkiziledi. Baryq test tapsyrmalarynyń sany – 120, maksımaldy ball – 140. UBT-ǵa qatysý úshin ótinishterdi qabyldaý 15 sáýirden 10 mamyrǵa deıin júrgizildi», – dedi mınıstr.

Onyń atap ótýinshe, osy jyly ótinishterdi qabyldaý alǵash ret onlaın formatty ótti. Tek ǵana Internet joq óńirlerdiń túlekteri úshin dástúrli formatta qujattar tapsyrý múmkindigi berildi.

«Jalpy bıyl mektep túlekterinen testileýge qatysý úshin 111 109 nemese 82 paıyz ótinish tapsyryldy. Bul ótken jylmen salystyrǵanda 11 paıyzǵa nemese 15 myńǵa jýyq adamǵa kóp. Sondaı-aq, aldyńǵy jyldarda mektep bitirgen túlekterdi qosqanda barlyǵy bıyl 131 755 adam test tapsyratyn bolady», – dedi Ashat Aımaǵambetov.

Sońǵy jańalyqtar