6 Қараша, 16:50 279 0 Қауіпсіздік Назым Тойлыбаева

Жылқы кесірінен болған жол апатынан 5 адам қаза тапты

Қазақстанның Түркістан облысында жылқы кесірінен болған жол апатынан бес адам қаза болып, бір адам ауруханаға түсті, деп хабарлайды centralasian.org.

Облыстық полиция департаменті баспасөз қызметінің хабарлауынша, оқиға 5 қарашада түнде Шардара – Абай тас жолында болған.

"МАЗ" жүк автокөлігі жолға шығып кеткен жылқыны қаққан. Одан соң жүк көлігі қарсы жолға шығып кетіп, "Лексус" автокөлігімен соғысқан", - делінген ІІМ хабарламасында.

Соның салдарынан жеңіл автокөлік жүргізушісі мен төрт жолаушы қаза тапты. Жолаушылардың үшеуі - Өзбекстан азаматтары. Тағы бір Өзбекстан азаматын аурухананың жансақтау бөліміне жатқызған.

Тергеу жүріп жатыр. Жүк автокөлігінің жүргізушісі қамауға алынды. Жолға шығып кеткен жылқының иесі кім екені анықталып жатыр.

Соңғы жаңалықтар