Айда күн тұтылмақ

Айда күн тұтылмақ

Айда күн тұтылмақ
ашық дереккөзі
Шілденің 27-сінен 28-іне қараған түні Қазақстан тұрғындары сирек кездесетін, бірақ өте қызық, өзгеше астрономиялық құбылысты тамашалай алады.  width= Осы түні толған Ай өз орбитасында батыстан шығысқа жылжи отырып, Жердің көлеңкесіне кіреді. Былайша айтқанда, Айда толықтай Күн тұтылады: Жер Күн мен Айға түсетін жарықты бірнеше сағатқа жабады. Бұл туралы В.Г.Фесенков атындағы Астрофизика институты Ай физикасы мен ғаламшар зертханасының жетекшісі, профессор, физика-математика ғылымдарының докторы Виктор Тейфель айтты.  width= «Біздер - жердегілер үшін Жердің жартылай көлеңкесіне кіретін Ай, алдымен, жәйлап көзден ғайып бола бастайды. Кейін Айдың дискісін планетамыздың қара көлеңкесі біртіндеп жаба бастайды. Бұдан соң Ай толықтай Жердің көлеңкесіне енеді. Ең қызықты құбылыс осы кезде болады. Ай толығымен жоғалып кетпей, қою қызыл немесе қызғылт түске боялып, көрініп тұрады. Бұл түс түрлі тұтылу кезінде әртүрлі болып өзгеруі мүмкін», - деп түсіндірді профессор Тейфель.  width= 27 шілде күні Ай жердің күңгірт көлеңкесіне Астана және Алматы уақыттары бойынша 23 сағат 13 минутта кіре бастайды. Айдың дискісі жер көлеңкесінің шетіне 00 сағат 24 минутта сәйкес келеді. Ай жердің көлеңкесіне 01 сағат 30 минутта толықтай кіреді. Толық тұтылу 03 сағат 13 минутта аяқталады. Ай 04 сағат 19 минутта көлеңкеден шығады. Виктор Тейфель Ай немесе Күн тұтылуының адамдарға еш кері әсері тимейтіндігін атап өтті.