Өзбекстан Қызылордадан 1500 түйе сатып алды

Өзбекстан Қызылордадан 1500 түйе сатып алды

Өзбекстан Қызылордадан 1500 түйе сатып алды
ашық дереккөзі
Өзбекстандықтар Қазақстаннан ірі көлемде түйелер сатып алды, деп хабарлайды ҚазАқпарат.  Түйе шаруашылығын дамыту мақсатында Өзбекстанның Тамдын ауданы Ок такир кенті Қазақстанның Қызылорда облысынан 1 мың 500 түйе сатып алды. Олардың арасында түйенің сүтті мол беретін аналық тұқымдары да бар. «Түйелерді өсіру үшін 61 мың 814 гектар жер бөлінді. Келесі жылға дейін бұл жерден түйе сүті - шұбат жасап шығарылатын цех ашу жоспарланып отыр. Бұл тек жаңа жұмыс орындарын ашуға мүмкіндік беріп қана қоймай, халықтың әл-ауқатын арттыруға ықпал ететін болады. Бұдан бөлек, түйенің жүнін тиімді қолдану бойынша шаралар жасалуда», - деп атап өтті «Навои-коракул» қауымдастығының төрағасы У. Халилов. Сондай-ақ, осы мақсатты Канимех ауданында 3 мыңнан астам түйе өсіріліп жатқан үлкен аумақ бөлінген. Былтыр осы ауданға түйеге міну үшін, сондай-ақ адамның иммундық жүйесіне қуат беретін шұбаттан дәм тату үшін мыңдаған турист келген. Айдаркөл маңында 1000 түйеге арналған заманауи мал шаруашылығы кешенін ұйымдастыру көзделіп отыр. Бұл кешенде жылына 1000 тонна шұбат өндірілмек. Болашақта оны жылына 10 мың туристі қабылдайтын қазіргі заманғы экотуристік орталыққа айналдыру жоспарда бар.