Үлкен Алматы айналма автожолының кейбір жолақтарында қозғалысты уақытша шектеу енгізіледі, деп хабарлады turkystan.kz.
Бүгін Үлкен Алматы айналма автомобиль жолында (БАКАД) төсемдегі жол белгілерін жаңарту жұмыстары басталды.
«Осыған байланысты мамыр айында кейбір жолақтарда қозғалысты уақытша шектеу енгізіледі. Бұл шаралар жол қозғалысының қауіпсіздігі мен жайлылығын арттыруға бағытталған. Жаңартылған белгілер жолақтардың шекараларын анық көрсетеді, бұл өз кезегінде жүргізушілерге жақсы бағыт-бағдарды жақсартуға көмектесіп, төтенше жағдайлар қаупін азайтады», - делінген Көлік министрлігінің хабарламасында.
Осы ретте Автомобиль жолдары комитеті қозғалысқа қатысушыларды аталған жұмыстардың орындалу кезеңінде жолда қырағы болуға шақырады. Жұмыстарды айдың соңына дейін аяқтау жоспарланып отыр.