ЕО азаматтарының қаржылық сауаты жақсы деңгейде емес. Олардың жартысына жуығы инфляцияны қоса алғанда, негізгі қаржылық ұғымдарды білмейді. Eurobarometer сауалнамасына сілтеме жасаған euronews.com осындай мәлімет жариялады.
Eurobarometer сауалнамасына сәйкес, еуропалықтардың үштен бірі инфляция деген не екенін түсінбейді. Осы сауалнама ЕО азаматтарының тек 18%-ының қаржылық сауаты жоғары екенін көрсетті.
Үздік нәтиже Нидерланд (43%), Дания (40%), Финляндия (40%) және Эстония (39%) болды, бұл елдердегі 10 респонденттің 4-еуі қаржылық білімнің жоғары деңгейін көрсеткен.
Румыния (13%) мен Португалия (16%) қаржылық білімнің жоғары деңгейі бойынша ең нашар көрсеткіш көрсетті.
ЕО-ның "үлкен төрттігінде" тек Германия ғана жоғары балл жинады. Франция мен Италияның көрсеткіштері ЕО бойынша орташа көрсеткіштен сәл төмен, ал Испанияда бұл көрсеткіш айтарлықтай төмен болды (19%).