Қазақстандық боксшы Аман Қазанғапов Бішкекте (Қырғыз Республикасы) Дүйсенқұл Шопоковты еске алуға арналған халықаралық турнирдің жеңімпазы атанды.
86 келіге дейінгі салмақта жұдырықтасқан ол финалда шаршы алаң иесі, тәжірибелі боксшы 33 жастағы Эркин Адылбекпен қолғап түйістірген болатын. Эркин – 2019, 2021 және 2022 жылдары Азия чемпионы атағын жеңіп алған қарымды боксшы. Алайда Бішкек төрінде өткен турнирде ол Қазанғаповтан төрешілер шешімі бойынша 4:1 есебімен ұтылды.