24 Aqpan 2020, 17:55 2389 0 Jahan Anar LEPESOVA

Koronavırýs taǵy 3 memleketke tarady

Koronavırýs taraǵan elder qatary taǵy 3 memleketpen tolyqty. Kýveıtte 3 adam, Bahreınde 1 adam jáne Aýǵanstanda 1 adam qaýipti keseldi juqtyrǵany belgili boldy. Bul týraly RIA Novostı habarlady.  

Kýveıt jáne Bahreınde vırýs juqtyrǵandar taıaýda Irannan kelgen. Sońǵy derek boıynsha Iranda COVID-19 vırýsy 43 adamǵa juqqan.

Al Kýveıtte úsh adam vırýs juqtyrǵan.

Aýǵanstannyń densaýlyq saqtaý mınıstriniń aıtýynsha, elde úsh adam vırýs juqtyrdy dep tekserilgen. Alaıda tekseris nátıjesi bireýinde ǵana vırýs baryn kórsetken.

Aıta keteıik, buǵan deıin Ońtústik Koreıada jańa koronavırýstan qaza tapqandar sany 7 adamǵa jetkenin habarlaǵan bolatynbyz. Elde derttiń taralýyna baılanysty qaýiptiliktiń qyzyl deńgeıi jarııalandy.  Bul 2009 jyly H1N1shoshqa tumaýy taralǵan ýaqyttan bergi alǵashqy qaýip jaǵdaıy. «Qyzyl» deńgeı  bılik ókilderine mektepterdi ýaqytsha jabýǵa, Ońtústik Koreıadan shyǵatyn jáne keletin reısterdiń sanyn qysqartýǵa múmkindik beredi. 

Sońǵy jańalyqtar