24 Aqpan, 10:31 903 0 Jahan Anar LEPESOVA

Koronavırýs: Ońtústik Koreıada qaýiptiliktiń qyzyl deńgeıi jarııalandy

Ońtústik Koreıada jańa koronavırýstan qaza tapqandar sany 7 adamǵa jetti, al dertti juqtyrǵandar qatary taǵy 161 adammen tolyqty.

Rıonhap agenttiginiń habarlaýynsha, búginde elde  dertke shaldyqqandardyń jalpy sany 763 boldy. Densaýlyq saqtaý organdary ókilderiniń aıtýynsha, Chhonda ońtústik-shyǵys aýmaǵyndaǵy emhanaǵa barǵan 62 jastaǵy er azamat jeksenbi kúni koronavırýstan ómirden ótti.

El bıligi vırýs taralyp jatqan eki negizgi oshaqty atady, olar – ońtústik-shyǵystaǵy Tegý qalasyndaǵy dinı sekta men kórshiles Chhonodaǵy emhana. Eldegi dertke shaldyqqandardyń jartysynan kóbi osy aýmaqta tirkelgen.

Vırýs juqtyrǵan jańa 161 adamnyń 142-i Seýlden ońtústik-shyǵysqa qaraı 300 km qashyqtyqta ornalasqan Tegý qalasy men kórshiles Soltústik Kensanda anyqtaldy. Taǵy úsh oqıǵa Seýlde tirkeldi, delingen Koreı aýrýlardy baqylaý jáne aldyn alý ortalyǵynyń málimdemesinde.

23 aqpanda  Ońtústik Koreıa vırýsty eskertý dárejesin eń joǵarǵy – «qyzylǵa» deıin kóterdi. Bul 2009 jyly H1N1shoshqa tumaýy taralǵan ýaqyttan bergi alǵashqy qaýip jaǵdaıy. «Qyzyl» deńgeı  bılik ókilderine mektepterdi ýaqytsha jabýǵa, Ońtústik Koreıadan shyǵatyn jáne keletin reısterdiń sanyn qysqartýǵa múmkindik beredi.

 

Sońǵy jańalyqtar