20 Aqpan, 10:18 270 0 Áleýmet Túrkistan Gazeti

Alpys jyl jóndeý kórmegen aýrýhana bıyl tolyq jóndelip bitpek

Premer-mınıstrdiń orynbasary Eraly Toǵjanov Nur-Sultan qalasyndaǵy birqatar áleýmettik nysandy  aralady.

Aldymen «Januıa» otbasy ınstı­týtyn qoldaý ortalyǵyna barǵan Eraly Toǵjanov «Halyq únine qulaq asa­tyn memleket» tujyrymdamasy aıa­synda turǵyndardyń ótinishterine jedel jaýap berýge baǵyttalǵan ju­mys barysymen tanysty. Kezdesý ba­rysynda E.Toǵjanov ortalyq qyz­metkerlerine turǵyndar arasynda kóp­balaly otbasylarǵa 2020 jylǵy  1 qań­tardan bastap engizilgen memle­kettik járdemaqyny rásimdeý men tóleýdiń sharttaryn egjeı-tegjeıli túsindirýdi tapsyrdy. Sonymen qatar munda ataýly áleýmettik kómektiń jańa tásilderi de sóz etildi.

Budan keıin Premer-mınıstrdiń orynbasary elordadaǵy №2 qalalyq emhanasyna bet alyp, munda Mindetti áleýmettik medıınalyq saqtandyrý júıesiniń (MÁMS) engizilý barysymen tanysty. Emhana basshylyǵy tur­ǵyndardyń tegin medıınalyq kómek­tiń kepildendirilgen kólemimen qan­shalyqty qamtylyp otyrǵanyn jáne mindetti áleýmettik medıınalyq saqtandyrý júıesine medıınalyq kómektiń qandaı túrleri kiretinin aıtty.

Elorda turǵyndaryna sapaly me­dıınalyq qyzmet kórsetý máselesin qaladaǵy ortalyq temirjol aýrýha­na­synda jalǵastyrǵan Eraly Toǵjanov bul jerde ótken jyldyń aıaǵynda jón­deýden ótken staıonar jumysy­men tanysty. Ol Prezıdent Qasym-Jomart Toqaevtyń byltyr qazanda elor­da­ny damytý máselelerine ar­nal­ǵan jıynda 60 jyl boıy jóndeý kór­megen, medıınalyq qural-jab­dyq­tary ábden eskirgen aýrýhana ǵıma­ra­tyn synǵa alǵandyǵyn eske saldy.

«Bul nysan Qazaqstan Prezıden­ti­niń baqylaýynda. Ol jaqynda osyn­da bolyp, naqty tapsyrmalardy júkte­gen bolatyn. Jóndeý jumystary aıaq­talyp, aýrýhana qazir jumys istep tur. Hırýrgııalyq blok qana jóndelip jatyr. Osy jyldyń aıaǵyna deıin bitýi tıis. Muny men de jeke baqylaýy­ma ala­tyn bolamyn», – dep atap ótti Eraly Toǵjanov.

Sońǵy jańalyqtar