13 Aqpan, 08:43 647 0 Áleýmet Anar LEPESOVA

OTANǴA DEGEN MAHABBAT ÚLKEN URANDAR MEN BOS DEKLARAIIaLAR EMES

Keshe Memleket basshysy Qasym-Jomart Toqaevtyń qatysýymen elordada volonterlerdiń «Birgemiz» respýblıkalyq front-keńsesi óz jumysyn bastady. Sharanyń ashylý saltanatynda Prezıdent Qazaqstandaǵy volonterler qozǵalysynyń qurmetti elshisi atandy. Qazaqtyń kóne zamannan kele jatqan dástúrin jalǵap, izgi isterimen Otandy súıýdiń jarqyn úlgisin kórsetip júrgen eriktilerdiń jumysyna joǵary baǵa bergen Memleket basshysy olardy jańa jetistikterge jigerlendirdi. Volonterler jylynyń kezekti naýqan emes ekenin eskertken Qasym-Jomart Toqaev atqarýshy organdarǵa volonterlik isterge qoldaýshy ǵana emes, bastamashy bolý mindetin júktedi.   

 Volonterlermen basqosýda  Memleket basshysy volonterlik halqymyzdyń shynaıy bolmysy, salt-dástúri ekenin aıta kele, bul dástúrdi saqtap qalýdyń mańyzyna toqtaldy. 

– Igi ispen aınalysý, adamdarǵa jaqsylyq jasaý – kóne zamannan kele jatqan dástúr.  Bul dástúrdi mindetti túrde saqtap qalýymyz kerek. Sebebi bireýge qol ushyn sozyp, qoldaý kórsetý – qanymyzǵa sińgen qasıet. Halqymyzda osyndaı bereke-birlikke shaqyratyn ASAR dástúri bar. Bul – ǵasyrlar boıy qundylyǵyn joımaǵan ata saltymyz. «Jumyla kótergen júk jeńil» deıdi halqymyz. Volonterlik qyzmettiń basty maqsaty da – birge jumylyp, halyqqa qyzmet etý, – dedi Memleket basshysy.

 Abaıdyń «Qareket qyl, paıdasy kópke tısin» degen ulaǵatyn tilge tıek etken Prezıdent eriktilerdiń rııasyz eńbegi elge degen súıispenshiliktiń aıǵaǵy ekenin aıtty.

– Volonterlik naqty istermen kórinetin patrıotızmniń joǵary deńgeıin bildiredi. Otanǵa degen mahabbat úlken urandar men bos deklaraııalar emes, bul – kúndelikti eńbek, sonyń ishinde halyqtyń ıgiligi úshin shynaıy atqarylatyn qaıyrymdy ister.  Bul – kúndelikti eńbek, bul – adamnyń bolmysy, bul – tereń bilim, joǵary minez-qulyq mádenıeti. Ózgeniń dúnıe-múlkine qol suǵatyn, to­naýshylyqpen aınalysatyn, jalǵan pat­rıottyq urandardy taratatyn adamdar pat­rıot emes ekenin túsinýimiz kerek. Mun­daı adamdar zań buzǵan bolyp sanalady, ıaǵnı olar – qylmyskerler, qylmystyq ele­mentter. Sondyqtan olar qoǵam men memleket aldynda zańǵa sáıkes jaýap berýi tıis, – dedi Memleket basshysy.

Elimizde 200-den astam eriktiler uıymy, 50 myńnan astam volonter bar ekenin atap ótken Qasym-Jomart Toqaev qoǵam ómiriniń barlyq salasynda belsendilik tanytyp júrgen uıymdarǵa jekeleı toqtalyp, olardyń jumysyn kópke úlgi etti. Atap aıtqanda, ol qıyn turmystyq jaǵdaıǵa tap bolǵan adamdarǵa kómek qolyn sozýǵa daıyn myńdaǵan belsendileri bar ulttyq eriktiler jelisiniń, Lider.kz, Best for kids, elordalyq «28 petel» klýby men «Qamqorshylar klýbynyń» jumysyn joǵary baǵalady.

Memleket basshysy jahandyq jáne aımaqtyq máselelerdi sheshetin halyqaralyq volonterlik bastamalarǵa el azamattaryn tartýdyń mańyzyn aıtty.

– Qazaqstan 116 eldiń 20 mıllıonnan astam eriktilerin biriktiretin Dúnıejúzilik ekologııalyq  World Clean up day  naýqanyna qosylýǵa daıyn. Otandastarymyzdyń BUU, IýNISEF, AIESEC uıymdarynyń eriktilik baǵdarlamalaryna jáne basqa da halyq­aralyq bastamalarǵa atsalysýy ártúrli memleketterdiń tájirıbesimen tanysýǵa jáne elimizge úzdik volonterlik tájirıbeni tartýǵa múmkindik beredi, – dedi Q.Toqaev.

Sondaı-aq Qazaqstan Prezıdenti erikti­lerdi eldiń rýhanı damýyna atsalysýǵa sha­qyrdy.

– Mádenıetimizdi damytpaı, ósip-ór­kendeý múmkin emes. Sondyqtan osy má­selege erekshe mán berýimiz qajet. Qazirgi tańda má­denıet jáne óner salasynda jas talant­tardyń arqasynda Qazaqstan kúlli álemge tanylyp keledi. Biz osy baǵytta júıeli jumys júrgizýimiz kerek. Iaǵnı oıy ushqyr ári daryndy azamattardy barynsha qoldaý qajet. Sonda ǵana tól mádenıetimizdi jańa be­leske kóteretin býyn qalyptasady, – dedi Memleket basshysy.

Qasym-Jomart Toqaev shyǵarmashylyq bastamalardy qoldaý maqsatynda Mádenıet qoryn ashý týraly tapsyrma bergenin atap ótti.  Prezıdenttiń aıtýynsha, bul qurylym shy­ǵarmashylyq odaqtarǵa, áleýetti joba­larǵa qarjylyq jáne basqa da baǵytta kómek beredi. Qor jumysyna volonterlerdi tartsa, olar mýzeı, kitaphana, óner mekemelerinde ózderiniń jobalaryn júzege asyra ala­dy. Memleket basshysy bul sharalar eli­mizdiń shyǵarmashylyq áleýetin nyǵaı­týǵa mol múmkindik beretinine senim bildirdi. 

Eriktiler jyly aıasynda atqarylatyn sha­ralarǵa kásipkerlerdi tartýdyń da mańy­zy zor. Qasym-Jomart Toqaev volonterlik qyz­met memlekettik jáne jeke kom­pa­nııa­lardyń qyzmetkerleri úshin jumys máde­nıe­tine aınalýy tıis ekenin qadap aıtty.

 – Árıne, volonterlik bastamalardyń il­ge­rileýine ekpin berip, belsendiler úshin barlyq jaǵdaı jasaıtyn jergilikti at­qarýshy organdar mańyzdy rólge ıe bolýy tıis. Men qazir barlyq atqarýshy organ­dar­dyń basshylaryna tapsyrma berdi dep sa­nańyzdar. Birinshi kezekte, memlekettik qyz­metshiler, ulttyq kompanııalardyń, kom­mýnaldyq kásiporyndardyń qyzmet­ker­leri jumys aptasynyń birneshe saǵatyn osy baǵytqa bólip, úlgi-ónege kórsetýi tıis – dedi Memleket basshysy. 

Sońǵy jańalyqtar