24 Qańtar 2020, 13:27 1520 0 Ekonomıka Anar LEPESOVA

Qytaı óz jaǵyna qala salyp tastady, al bizde eshqandaı ǵımarat joq – Prezıdent "Qorǵas" ortalyǵy týraly

Prezıdent  Qasym-Jomart Toqaev 2025 jylǵa deıingi saýda saıasaty jónindegi memlekettik baǵdarlama ázirleýdi tapsyrdy.

«Shekaralyq saýdada eksport boıynsha úlken áleýet bar. Bul rette Ortalyq Azııada orasan zor múmkindikter barshylyq. 2018 jyly Elbasy Ózbekstanmen shekarada «Ortalyq Azııa» atty saýda-ekonomıkalyq yntymaqtastyq ortalyǵyn qurýdy tapsyrǵan edi. Sodan beri kelissózder júrip jatqanymen, Qazaqstannyń múddesin eskererlik naqty sheshim qabyldanǵan joq. Al qazirgi «Qorǵas» halyqaralyq shekaralyq yntymaqtastyq ortalyǵy joǵary tıimdiligimen maqtana almaıdy. Ózińiz biletindeı, Qytaı jaqqa qaraǵanda bizdiń jaqta eshqandaı ǵımarat joq. Qytaı óz jaǵynda qala salyp tastady», - dedi Prezıdent Úkimettiń keńeıtilgen otyrysynda.

Sondaı-aq, Memleket basshysy shekaralyq yntymaqtastyq aqyry shyntýaıtynda shetelden keletin ımporttyq orynǵa aınalǵanyn synǵa aldy.

«Sol sebepti, sharalardy úılestirip, salyqtyq saıasatty qarap, otandyq taýar óndirýshilerdiń múddesin esepke alý kerek. Joǵaryda atalǵan jaılardy esepke ala otyryp, 2025 jylǵa deıingi saýda saıasaty jónindegi memlekettik baǵdarlama ázirleýdi tapsyramyn», - dedi Memleket basshysy.

 

Sońǵy jańalyqtar