21 Qańtar, 20:13 352 0 Jańalyqtar Asyl TUMAR

Sheteldik nómirmen júrgen kólik ıeleri Nur Otan partııasynan kómek surady

Sýret derekkózden alyndy
Sýret derekkózden alyndy

Sheteldik nómirmen júrgen avtokólik ıeleri Nur Otan partııasyna baılanysqa shyqty.

Nur Otan partııasynyń Almaty qalasyndaǵy fılıalyna Armenııa men Qyrǵyzstannyń nómirimen júrgen avtokólik ıeleri keldi. Júrgizýshiler sheteldik nómiri bar avtokólikterdi tirkeýdiń jańa erejelerine narazylyq bildirdi, – dep jazdy Azattyq Rýhy.

Kólik ıeleriniń shaǵymynan keıin Nur Otan barlyq múddeli taraptardy dóńgelek ústelge jınady. Pikirtalasqa polıııa, memlekettik kirister departamentteri, prokýratýra jáne ákimdik ókilderi qatysty.

Partııa qabyldaýyna kelgen júrgizýshilerdiń aıtýynsha, avtokólikterdi tirkeýge qajetti soma birneshe mıllıon teńgege jetedi jáne tipti avtomobıldiń ózindik qunynan da asyp ketedi.

«Nege biz tirkeýsiz júre almaımyz? Armenııaǵa, Qyrǵyzstanǵa bardyq, sońǵy aqshamyzǵa kólik aıdap keldik. EAEO-nyń Keden kodeksi nelikten eskerilmeıdi? Ýtılızaııanyń jalpy jıyntyǵy mıllıon teńgege deıin jetedi. Tirkeýge qoıýǵa mıllıon teńgeden de kóp qarjy kerek. Era-glonass pen SOS batyrmalaryn qosý – 300 myń teńge. Kóliktiń jalpy oformlenıe jasaýǵa 3 mıllıon teńgeden asa aqsha ketedi. Bul kóliktiń jalpy qunynan asyp ketedi», – dep narazylyq bildirdi avtokólik ıeleri.

Atap aıtqanda, avtokólik ıeleri tirkeý jarnalaryn tómendetýdi, avtokóliktiń tehnıkalyq tozýyna deıin paıdalanýǵa múmkindik berýdi surady.

«Biz azamattardy tyńdadyq, óıtkeni turǵyndar kóteretin ár másele biz úshin mańyzdy. Avtokólik ıeleri tarapynan 10-ǵa jýyq usynys-tilek aıtyldy, olardyń barlyǵyn jazyp aldyq. Azamattar partııaǵa senim bildirip, kezek kúttirmeıtin máselelermen kelgenine rızamyz», – dedi «Azattyq Rýhy» agenttigine bergen suhbatynda Nur Otan partııasy Almaty qalalyq fılıaly tóraǵasynyń birinshi orynbasary Stanıslav Kankýrov.

Partııa múddeli taraptarǵa sarapshylardy tarta otyryp, osy máseleni talqylaý múmkindigin berýge daıyn ekenin sendirdi.

Aıta keteıik, buǵan deıin Ishki ister mınıstrligi qazaqstandyqtardy sheteldik tirkelgen kólik quraldaryn tirkeýge shaqyrǵan bolatyn. Eger tirkemese, mundaı kólikterdiń ıelerine aıyppul salynady, al kólikter ózderi turaqqa ornalastyrylady.

Zańǵa sáıkes, Qazaqstannan tys jerlerde satyp alynǵan kólik quraldary 10 kún ishinde tirkelýi kerek. Menshik ıesi alymdar men bajdardy tóleýge jaýapty. Vedomstvo bul sharany EAEO talaptaryna sáıkes túsindiredi.

IIM-niń málimetinshe, Elge Armenııa, Qyrǵyzstan, Belarýs jáne Reseıde tirkelgen 170 myń kólik ákelingen.

Sońǵy jańalyqtar