21 Qańtar, 13:36 350 0 Jańalyqtar Asyl TUMAR

Búgin «Qazaq handyǵy. Almas qylysh» fılmi Ombyda kórsetiledi

Sýret ǵalamtordan alyndy
Sýret ǵalamtordan alyndy

Búgin Omby qalasynyń turǵyndaryna Reseıdegi Qazaqstan kınosy festıvali aıasynda «Qazaq handyǵy. Almas qylysh» fılmi usynylady, – dep habarlady «Qazaqfılmniń» baspasóz qyzmeti.

«2020 jyldyń 21 qańtar kúni Omby qalasynyń «Vavılon» kıno ortalyǵynda Reseıdegi Qazaqstan kınosy festıvali aıasynda QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen «Qazaq handyǵy. Almas qylysh» fılmi kórsetiledi. Kınotýyndynyń kórsetilimine Omby qalasyndaǵy QR Bas konsýly jáne basqa da qurmetti qonaqtar shaqyrylǵan» delingen resmı aqparatta.

Tarıhı fılm kórermenge qazaq tilinde usynylmaq. Bul týyndy Ilııas Esenberlınniń «Almas qylysh» romanynyń negizinde jazylǵan «Qazaq handyǵy» kınodıologııasynyń birinshi bólimi. Fılmde XV ǵasyrda Qazaq handyǵynyń qurylýy jáne Jánibek pen Kereı sultandar bılik qurǵan kezeńder qamtylǵan. Rejısseri – Qazaqstannyń eńbek sińirgen qaıratkeri, kınorejısser, senarıst ári sýretshi Rústem Ábdirashev.

«Qazaq handyǵy» jobasynyń ıdeıa avtory – Tuńǵysh Prezıdent, Elbasy Nursultan Nazarbaev.

Sońǵy jańalyqtar