19 Qańtar, 09:56 902 0 Óner Anar LEPESOVA

Besbaev vs Balıeva: Ánshi men depýtat mámilege keldi

Kúni keshe depýtat Zaǵıpa Balıevanyń zańsyz isterine shúılikken belgili ánshi, Qazaqstan oryndaýshylary odaǵynyń tóraǵasy Meırambek Besbaev Instagram jelisinde jańa jazba jarııalap, taraptardyń ózara mámilege kelgenin málimdedi. 

"Kesheli beri Qazaqstan oryndaýshylary odaǵy mańyndaǵy órbigen jaǵdaıǵa baılanysty kelesini habarlaımyn. Búgin uıymnyń burynǵy basshylyǵymen kezdesý ótkizdim. Ortada qalyptasqan barlyq máseleler boıynsha kelissózder júrip, ortaq sheshimge keldik. Birinshiden, meniń zańdy túrde basshy retinde ádilet organdarynda tirkelýime burynǵy basshylyq eshqandaı kedergi keltirmeıtin boldy. Ekinshiden, odaqtyń basqa uıymdar men qurylymdardyń aldyndaǵy mindettemelerin burynǵy basshylyq jáne biz eki jaqtap sheshetin boldyq", - dep jazdy ánshi. 

Meırambek Besbaev uıymnyń bolashaqtaǵy barlyq jumysy taza, ashyq júrgiziletinine sendirdi.  Sondaı-aq, keı sharýalarǵa qatysty burynǵy basshylyq naqty aqparat berip otyrýǵa keliskenin jetkizdi. 

"Bir eldiń balalary bolǵandyqtan, sózge toqtaǵan tekti halyqtyń urpaǵy bolǵandyqtan, biz ortaq mámilege keldik. Sol sebepten, qazaqtyń kórnekti memleket qaıratkeri, qurmetti apaıymyzǵa qatysty keshe jarııalaǵan postymdy alyp tastaımyn. Keshe oryn alǵan máseleni ary qaraý ýshyqtyrmaı, tez arada sheshilýine yqpal etken Zaǵıpa Iahııaqyzyna alǵys aıtamyn! Meni qoldap, jyly sózin aıamaı jatqan barlyq aǵaıynǵa Alla razy bolsyn", - dedi odaq tóraǵasy. 

Sońǵy jańalyqtar