17 Qańtar, 14:32 582 0 Rýhanııat Anar LEPESOVA

Memleket basshysy Roza Muqanova men Aqan Bıjanovty qabyldady

Memleket basshysy «Aqorda» rezıdenııasynda jazýshy-dramatýrg Roza Muqanova men Fılosofııa, saıasattaný jáne dintaný ınstıtýtynyń dırektory Aqan Bıjanovty qabyldady. Bul týraly Prezıdenttiń baspasóz qyzmeti habarlady. 

Roza Muqanova Memleket basshysyna Qazaq ulttyq óner ýnıversıtetiniń jas mamandardy daıarlaý baǵytynda atqaryp jatqan jumystary jaıynda aıtty. Áńgimelesý barysynda otandyq dramatýrgııa men teatr ónerin damytýdyń ózekti máseleleri talqylandy.

Aqan Bıjanov Prezıdentke Fılosofııa, saıasattaný jáne dintaný ınstıtýtynyń jumysy týraly baıandap, Qazaqstan ǵylymynyń, ıdeologııasy men mádenıetiniń qazirgi ahýaly men damý perspektıvalary jónindegi oı-pikirimen bólisti.

Sonymen qatar kezdesý kezinde Ál-Farabıdiń 1150 jáne Abaı Qunanbaıulynyń 175 jyldyq mereıtoılaryn ótkizýge daıyndyq máseleleri sóz boldy.

Qasym-Jomart Toqaev Qazaqstandy áleýmettik-saıası jańǵyrtý, sondaı-aq, óskeleń urpaqtyń boıynda ulttyq qundylyqtardy qalyptastyrý barysynda Ál-Farabı men Abaı Qunanbaıulynyń ǵylymı jáne rýhanı muralaryn negizge alýdyń mańyzdy ekenin atap ótti.

Sońǵy jańalyqtar