17 Qańtar, 13:54 358 0 Ekologııa Anar LEPESOVA

Bir aǵashtyń ornyna – 100 túp: Almatyda jasyl jelekke zalal keltirýdiń ótemi belgilendi

Almatyda jasyl jelekti kútý erejeleri ózgermek. «Almaty qalasynyń erekshe mártebesi týraly» Zańyna qandaı ózgerister  engizilgenin Almaty qalalyq jasyl ekonomıka basqarmasynyń basshysy Erjan Seıtenov baıandap berdi.

Atalǵan Zańǵa birqatar jańa erejeler engizildi:

– Aǵashtardy sanıtarlyq kesý, jasartý Almaty ákimdiginiń kelisimimen ǵana júrgiziledi;

- Ákimdiktiń ruqsatymen sanıtarlyq jolmen nemese ádeıi kesilgen aǵashtardyń ornyna jasyl jelek qaıta otyrǵyzylady, magıstraldy kóshelerdiń boıyna dińgegi 20-25 sm bolatyn japyraqty aǵash túrleri otyrǵyzylady, qylqan japyraqty aǵashtardyń bıiktigi - kem degende 2,5 metr (I nemese II synypty sapa) bolýy tıis;

– Kesilgen aǵash shyǵynyn óteýdiń ádisi jasaldy, sonyń arqasynda keltirilgen zalaldyń naqty baǵasy anyqtalady;

– Aǵash apatty jaǵdaıda kesilse, onyń ornyna bir aǵash otyrǵyzylady, eger zańsyz alynsa, onda bir aǵashtyń ornyna 100 túp otyrǵyzylady;

– Jasyl jelektiń kepil merzimi – 3 jyl;

– Jaýapty mekeme ortaq qoldanystaǵy jerlerdegi jasyl jelekti kóktemgi-jazǵy jáne jazǵy-kúzgi mezgilderde zııankesterden, túrli aýrýlardan qorǵaý úshin zalalsyzdandyrý jumystaryn júrgizýi tıis.

«Bizde Almaty qalasynyń jasyl jelegin kútip ustaý men qorǵaýdyń jeke erejelerin ázirleý jáne bekitý múmkindigi paıda boldy. Buǵan deıin basqarma qalanyń jasyl qorynyń damýy men saqtalýyna kedergi keltiretin túrli máselelermen betpe-bet kelgen bolatyn. Eldi mekender aýmaǵynda ósetin jasyl jelekterdi kútip ustaý jáne qorǵaý máselelerin retteıtin standarttardyń, reglamentterdiń, nusqaýlyqtardyń, ádistemelik usynymdardyń bolmaýy, ruqsat berý qujatynsyz aǵashtardy kesý úshin ótemdik otyrǵyzý boıynsha normalardyń bolmaýy - megapolıstiń jasyl qorynyń joıylýyn jedeldetetin sebepterdiń biri edi», - deıdi Erjan Seıtenov.

Basqarma basshysynyń aıtýynsha, jańa ereje jobasy jurtshylyqtyń talqylaýyna shyǵarylady, belsendi qala turǵyndary qatysyp, óz usynystaryn engize alady.

«Barlyq múddeli mekeme jáne uıymdarmen kelisilgennen keıin jasyl jelekti kútip ustaý men qorǵaýdyń jańa erejeleri qalalyq máslıhatqa bekitýge jiberiledi», - dep qorytyndylady E. Seıtenov.

 

Sońǵy jańalyqtar