15 Qańtar, 18:03 450 0 Jańalyqtar Asyl TUMAR

Premer-mınıstr «Samruq-Qazyna» qorynyń keńes quramynan shyqty

Sýret ǵalamtordan alyndy
Sýret ǵalamtordan alyndy

«Samruq-Qazyna» ulttyq ál-aýqat qorynyń dırektorlar keńesin basqarǵan Premer-mınıstr Asqar Mamın keńes quramynan shyǵaryldy. Úkimet qaýlysy «Ádilet» aqparattyq-quqyqtyq júıesinde jarııalandy.

«Úkimet «QR Prezıdentiniń 2008 jylǵy 13 qazandaǵy №669 jarlyǵyn júzege asyrý týraly» QR Úkimetiniń 2008 jylǵy 17 qazandaǵy №962 qaýlysyna (...) kelesi ózgertýdi engizýdi – kórsetilgen qaýlynyń 2 qosymshasyndaǵy «Mamın Asqar Uzaqbaıuly, QR Premer-mınıstri, tóraǵa» degen joldy alyp tastaýdy qaýly etedi», – delingen qujat mátininde.

Premer-mınıstr Asqar Mamın qordyń dırektorlar keńesiniń basshylyǵyna 2019 jyldyń naýryzynda kelgen bolatyn.

Dırektorlar keńesiniń quramyna Prezıdent ákimshiligi basshysynyń orynbasary Tımýr Súleımenovtiń ornyna Prezıdenttiń kómekshisi Qanat Bozymbaev kirdi. Qaýly 2020 jyldyń 1 qańtarynda kúshine engen.

Qaýly boıynsha «Samruq-Qazyna» qory dırektorlar keńesiniń quramyna 6 adam kirip otyr: Prezıdent kómekshisi Qanat Bozymbaev, Ulttyq ekonomıka mınıstri Rýslan Dálenov, qordyń basqarma tóraǵasy Ahmetjan Esimov, táýelsiz dırektorlar Rıchard Evans, Alper Akdenız, Bender Vılgelm.

 

Sońǵy jańalyqtar