15 Jeltoqsan 2019, 17:53 805 0 Zań Anar LEPESOVA

Bas prokýratýra qazaqstandyqtarǵa úndeý jasady

Qazaqstannyń bas prokýratýrasy el turǵyndaryna úndeý jasap, ruqsat etilmegen ártúrli mıtıngterge qatyspaýǵa, ótkizý erejelerin saqtaýǵa shaqyrdy. 

Quzyrly organ sheteldegi adamdar Qazaqstan azamattaryn zańsyz mıtıngige qatysýǵa arandatýdy jalǵastyryp jatqanyn aıtty.

Atalǵan adamdar osyndaı áreketterimen eldiń zańyn buzyp otyrǵany atap ótildi.

Vedomstvo mıtıngke ruqsat alý úshin azamattar ákimdikke aldyn-ala, dálirek 10 kún buryn ótinish berýi kerek ekenin eske saldy.

Sonymen qatar, ruqsat alǵanǵa deıin mıtıngige qatysýǵa shaqyrýǵa nemese ol týraly aqparatty taratýǵa tyıym salynatynyn atap ótken jón.

Sonymen, Bas prokýratýra 16 jeltoqsanda boljaldy mıtıng uıymdastyrýshylardyń zańdy óreskel buzatyndyǵyn atap ótti.

Eger bul adamdardyń is-áreketteri adam quqyqtaryna aıtarlyqtaı zııan keltirse, olar Qylmystyq zańnamaǵa sáıkes jaýapkershilikke tartylatyn bolady.

Ákimshilik jáne qylmystyq-quqyqtyq sharalar osyndaı akııalardy qoldaıtyn adamdarǵa qatysty da birdeı dárejede qoldanylatyn bolady.

Osyǵan baılanysty, Bas prokýratýra arandatýshylyq jasamaýǵa, qoldanystaǵy zańnamany múltiksiz saqtaýǵa jáne zańsyz mıtıngilerge qatysýdan bas tartýǵa shaqyrady.

Sońǵy jańalyqtar