11 Jeltoqsan, 10:05 387 0 Jańalyqtar Asyl TUMAR

Túrkistan oblysyndaǵy jol sapasy nashar

Túrkistan oblysyndaǵy Tólebı aýdanyna qarasty joldardyń sapasy nashar bolyp shyqty. Asfalt-beton jamylǵysynda jol tóseminiń tegistigi sapasyz, jol jıegi úgitilip, jol tósemi qosylǵan jerler birkelki emes ekeni anyqtalǵan. Bul týraly Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti málimdedi.  

«Túrkistan – adaldyq ala­ńy» jo­balyq keńsesiniń  «Sapa­ly jol – adaldyq alańy»  aıa­syn­da Tólebı aýdanyna qarasty Len­ger qalasyndaǵy aýdandyq mańyzy bar  KHTL-33 «KHTL-31-KH35 – Aqaıdar Ekpindi» kó­she­si jáne  KHTL-31 «Lenger KH-82 Shymkent – Saıram – Qasqasý – Shymkent» kóshele­rin­de jalpy  uzyndyǵy  9,3 sha­qy­­rym bolatyn joldan synama aly­­nyp, memleket bıýdjeti ese­bi­nen salynǵan joldardyń sapasy tekserildi.

Monıtorıng jumystaryna atal­ǵan jobalyq keńseniń me­ned­jeri E.Tuńǵyshbaev pen oblystyq «Ulttyq  jol aktıv­teri sapasy  ortalyǵynyń» ma­man­dary, aýdandyq turǵyn úı-kom­mýnaldyq sharýashylyq, jo­laýshylar kóligi jáne avto­mo­bıl joldary  bóliminiń bas­shy­sy N.Ospanov jáne «Mır Stroı ı Kompanııa» JShS teh­nı­kalyq qadaǵalaýshysy T.Sú­leımenov,   aýdandyq más­lıhat depýtaty, Nur Otan partııalyq ba­qylaý komıssııasynyń  tóra­ǵa­sy  R.Saılaýuly,  máslıhat depýtaty  N.Qulyshev pen ar­naıy monıtorıng top múshesi J.Aman­geldıev, sondaı-aq aýdan ákiminiń  baspasóz  hatshysy  A.Aınabaev pen merdiger kom­pa­nııanyń basshylary qatysty.

Tólebı aýdanyna júrgizil­gen monıtorıngtik baqylaý ju­mysynyń nátıjesinde as­falt-beton jamylǵysynda jol tóseminiń tegistigi sapasyz ekeni jáne jol jıekteri úgitilip, búgingi kúni jol tóseminiń qosyl­ǵan jerlerinde birkelkilik joq ekeni anyqtaldy. Kemshilikterdi tez arada joıý úshin tıisti mer­di­ger mekemelerge eskertý jasa­lyp, sapasyz salynǵan joldar­dyń qurylysy boıynsha naqty tap­syrmalar berildi.

«Aldaǵy ýaqytta oblys­qa qa­­ras­ty barlyq aýdan, qala­lar­­dyń joldary baqylaý­ǵa alynyp, monıtorıng ju­­­­mystary júıeli túrde júr­gi­zi­letin bolady», – deıdi Sybaı­las jemqorlyqqa qar­sy is-qı­myl agenttiginiń Túr­kistan oblysy boıynsha de­par­­ta­men­ti­niń baspasóz qyzmeti.

aikyn.kz

Sońǵy jańalyqtar