10 Jeltoqsan, 21:02 418 0 Jahan Anar LEPESOVA

Amerıkanyń ataqty Tyson Foods kompanııasy Qazaqstanǵa et óńdeýdi úıretpek

AQSh-tyń áıgili kompanııalary Qazaqstannyń aýyl sharýashylyǵy salasyna ınvestıııa salýǵa nıetti. 

Premer-mınıstr Asqar Mamın Qurama Shtattarǵa  jumys sapary kezinde osy eldiń agrobıznes ókilderimen kelisim jasap, et óńdeý kásiporyndaryn jáne sýarý júıeleri óndirisin ashý týraly ýaǵdalastyqqa qol jetkizdi, dep habarlaıdy «Habar 24».

Tyson Foods jáne Valmont Industries kompanııalary kóp uzamaı elimizde qurylys bastap, óz tehnologııasymen jumys isteýge kóshpek. Sóıtip, qazaqstandyqtar da bul bıznestiń qyr-syryna qanyǵyp, isin ilgeriletetin bolady. Bul kompanııalar Amerıkanyń agrobıznes salasynda kósh bastap tur. Aty tanymal, tájirbıesi mol, ónimi sapaly kompanııalar endi Qazaqstanǵa qarjy quıatyn boldy.

Úkimet basshysy Asqar Mamın iri et óndirýshi Tyson Foods kompanııasynyń basshylarymen kezdesip, Qazaqstanda zamanaýı agro-mýltıproteın ındýstrııasyn damytý baǵdarlamasyn iske asyrý týraly kelisim jasady. Amerıkalyq bul áıgili kompanııanyń qurylǵanyna ǵasyrǵa jýyq ýaqyt bolǵan. Jyldyq aınalymy 42,4 mlrd dollar. Alyp kásiporynda 141 adam jumys isteıdi.

Stıv Stoýffer, Tyson fresh kompanııalar tobynyń prezıdenti:

Bul – bir kúndik jumys emes. Barlyq isti bir izge túsirý úshin kóp eńbek kerek. Tehnologııalyq proesti tıimdi qalyptastyrýymyz qajet. Jalpy, Qazaqstan tabıǵı resýrstarǵa baı el. Syrttan baratyn ınvestorlar ony tıimdi paıdalana bilýi tıis.

Aradaǵy kelisim boıynsha elimizde táýligine 2 myń iri qaranyń etin óńdeıtin keshen salynady.  Bul kásiporyn ishki suranysty qamtamasyz etip qana qoımaı, shetel naryǵyna ónim shyǵarýǵa da múmkindik beredi. Joba iske asqan kezde aýyl sharýashylyq salasynyń jyldyq kirisi 1 mlrd dollardan  asady degen boljam bar. Sondaı-aq, iri keshenniń aınalasynda ózge de qyzmet túrleri kórsetiledi.  Tyson Foods qazaqstandyq Kusto Group kompanııasymen birlesken jobany júzege asyrmaq.  «Ekstenshn» amerıkalyq qyzmet úlgisi boıynsha qazaqstandyq fermerlerge aqparattyq keńes berý, jergilikti jerlerde kadrlardyń biliktiligin arttyrý jáne kásiptik-tehnıkalyq oqytý qaralǵan.

Saparhan Omarov, QR aýyl sharýashylyǵy mınıstri:

«Taıson Fýdz» degen álemge tanylǵan marka. Olar qus, sıyr men dońyz etin 68 elge eksporttaıdy. Endi Qazaqstan naryǵyna shyqpaq. Bizdiń elde 3 zaýyt salýdy josparlap otyr. Joba quny 1 mlrd 250 mln dollarǵa jetedi. 100 myńǵa jýyq jańa jumys oryny ashylady degen jospar bar.

 

Sońǵy jańalyqtar